اڭىزعا اينالعان جارىس جۇرگىزۋشىسى كايل بۋش 41 جاسىندا كوز جۇمدى. سپورتشى كەنەتتەن بولعان اۋىر سىرقاتتان قايتىس بولعان. ونىڭ ناقتى دياگنوزى ازىرگە جاريالانعان جوق, دەپ حابارلايدى Egemen.kz.
كايل بۋش NASCAR تاريحىنداعى ناعىز اڭىز سانالدى. ول ۇلتتىق ءۇش سەريا بويىنشا رەكوردتىق جەڭىسكە جەتىپ, Cup Series چەمپيوناتىندا ەكى مارتە توپ جارعان. ارىپتەستەرى ونى اۆتوسپورتقا قوسقان ۇلەسىن باعالاۋ مۇمكىن ەمەس ەرەكشە تالانت دەپ اتايدى.
20 جىلدان استام ۋاقىتقا سوزىلعان مانسابىندا جارىس جۇرگىزۋشىسى تەك جوعارى ناتيجەلەرىمەن عانا ەمەس, قايسار مىنەزىمەن دە ەستە قالدى. كايلدىڭ ارتىندا جۇبايى سامانتا جانە ەكى بالاسى قالدى. اۆتوجارىس الەمى ءوز بۋىنىنىڭ ەڭ تالانتتى پيلوتتارىنىڭ بىرىنەن ايىرىلىپ, قارا جامىلىپ وتىر.
ەسكە سالايىق, ماسكەۋ تۇبىندەگى زۆەنيگورود قالاسىندا كەزىندە ەلىمىزدىڭ بىرنەشە فۋتبول كلۋبىندا اتوي سالعان رەسەيلىك قورعاۋشى لايونەل ادامستىڭ ءمايىتى تابىلدى.