«قازگيدرومەت» سينوپتيكتەرى 2 مامىرعا ارنالعان اۋا رايى بولجامىن ءبولىستى, دەپ حابارلايدى Egemen.kz.
«قازاقستاننىڭ باسىم بولىگى اتموسفەرالىق فرونتالدى بولىكتەردىڭ ىقپالىندا بولادى. وسىعان بايلانىستى شىعىستا, تۇندە قاراعاندى وبلىسىندا, اباي, جەتىسۋ وبلىستارىندا جاۋىن-شاشىن, شىعىستا, وڭتۇستىك-شىعىستىڭ تاۋلى ايماقتارىندا قاتتى جاۋىن-شاشىن (جاڭبىر, قار) جاۋادى», دەپ اتاپ ءوتتى سينوپتيكتەر.
رەسپۋبليكا بويىنشا جەل كۇشەيىپ, كۇن كۇركىرەيدى, وڭتۇستىك-شىعىستا بۇرشاق جاۋادى, وڭتۇستىك-باتىستا شاڭدى داۋىل سوعادى, سولتۇستىك-باتىستا تۇمان تۇسەدى. قاراعاندى وبلىسىندا, شىعىس قازاقستان وبلىسىنىڭ سولتۇستىگىندە, شىعىسىندا, باتىستا, سولتۇستىكتە, اباي وبلىسىندا 1-3 گرادۋس اياز كۇتىلەدى.
ماڭعىستاۋ وبلىسىنىڭ باسىم بولىگىندە, وڭتۇستىگىندە, اتىراۋدىڭ شىعىسىندا, باتىسىندا, وڭتۇستىگىندە, قىزىلوردانىڭ ورتالىعىندا, تۇركىستاننىڭ سولتۇستىگىندە, اباي وبلىسىنىڭ وڭتۇستىگىندە, قاراعاندى, اقتوبە وبلىستارىنىڭ وڭتۇستىگىندە جوعارى ءورت قاۋپى ساقتالادى.