«قازگيدرومەت» رمك 1-2 مامىرعا ارنالعان اۋا رايى بولجامىن ءبولىستى. رەسپۋبليكانىڭ سولتۇستىگىندە, شىعىسىندا, وڭتۇستىك-شىعىسىندا جانە ورتالىعىندا تۇندە جاڭبىر جاۋىپ, كۇن كۇركىرەپ, وڭتۇستىك-شىعىستا بۇرشاق جاۋى مۇمكىن, دەپ حابارلايدى Egemen.kz.
مامانداردىڭ ايتۋىنشا, قازاقستاندا 1-2 مامىردا ەكپىندى جەل سوعادى, تۇندە سولتۇستىك جانە شىعىس وڭىرلەردە تۇمان تۇسەدى.
«سكانديناۆيا ايماقتارىنان انتيتسيكلون سىلەمى سولتۇستىك, شىعىس جانە ورتالىق وڭىرلەردەگى اۋا تەمپەراتۋراسىنىڭ تۇندە 0-5 جىلۋعا دەيىن, 1-6 گرادۋس ايازعا دەيىن, كۇندىز 5-13 جىلۋعا دەيىن كۇرت تومەندەۋىنە اكەلەدى», دەپ حابارلادى «قازگيدرومەت» رمك باسپاسوز حاتشىسى الينا يسماعۇلوۆا وكق الاڭىندا.