«قازگيدرومەت» رمك قازاقستان اۋماعىندا 30 ساۋىردە بولاتىن قاۋىپتى مەتەورولوگيالىق قۇبىلىستارعا بولجام جاسادى, دەپ حابارلايدى Egemen.kz.
قازاقستاننىڭ باسىم بولىگىنىڭ اۋا رايىنا باتىس تسيكلونى جانە ونىمەن بايلانىستى اتموسفەرالىق فرونتالدى بولىمدەر اسەر ەتەدى, ونىمەن بىرگە جاڭبىر جاۋادى, سولتۇستىك-باتىستا, سولتۇستىكتە, ورتالىقتا قاتتى جاڭبىر جاۋادى, وڭتۇستىك-شىعىستىڭ تاۋلى ايماقتارىندا جاڭبىر مەن قار تۇرىندە جاۋىن-شاشىن بولادى. رەسپۋبليكا بويىنشا جەلدىڭ كۇشەيۋى كۇتىلەدى, باتىستا, ورتالىقتا, شىعىستا نايزاعاي, باتىستا, سولتۇستىك-باتىستا-بۇرشاق, باتىستا, ورتالىقتا, وڭتۇستىكتە داۋىل, وڭتۇستىك-باتىستا, وڭتۇستىكتە شاڭدى داۋىل, سولتۇستىكتە, وڭتۇستىك-شىعىستا تۇمان بولادى.
تۇندە سولتۇستىك قازاقستان وبلىسىنىڭ سولتۇستىك-شىعىسىندا, پاۆلودار وبلىسىنىڭ سولتۇستىگىندە 2 گرادۋس ۇسىك كۇتىلەدى.
ماڭعىستاۋ وبلىسىنىڭ باسىم بولىگىندە, اتىراۋ وبلىسىنىڭ باتىسىندا, وڭتۇستىگىندە, شىعىسىندا, قىزىلوردا قالاسىنىڭ ورتالىعىندا, تۇركىستان وبلىسىنىڭ سولتۇستىگىندە, اباي وبلىسىنىڭ وڭتۇستىگىندە, قاراعاندى وبلىسىنىڭ وڭتۇستىگىندە, جەتىسۋ وبلىسىنىڭ باتىسىندا, اقتوبە وبلىسىنىڭ وڭتۇستىگىندە ءورت قاۋپى جوعارى بولادى.