ماماندار 29 ساۋىرگە ارنالعان قازاقستان اۋماعىنداعى سينوپتيكالىق جاعداي مەن قاۋىپتى اۋا رايى قۇبىلىسىنىڭ بولجامىن جاريالادى, دەپ حابارلايدى Egemen.kz.
قازاقستان اۋماعىنىڭ باسىم بولىگىندە اتموسفەرالىق فرونتالدى بولىكتەر تۇراقسىز بولادى, جاڭبىر جاۋىپ, نايزاعاي وينايدى, وڭتۇستىك-شىعىستىڭ تاۋلى ايماقتارىندا جاڭبىر مەن قار تۇرىندەگى جاۋىن-شاشىن بولادى.
«تەك رەسپۋبليكانىڭ وڭتۇستىك-باتىسىندا, سولتۇستىك-باتىسىندا جانە ورتالىعىندا انتيتسيكلون سىلەمىنىڭ اسەرىنەن جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەل كۇشەيەدى, باتىستا جانە سولتۇستىكتە بۇرشاق جاۋادى, وڭتۇستىك-باتىستا جانە وڭتۇستىكتە بۇرشاق جاۋىپ, شاڭدى داۋىل سوعادى, وڭتۇستىك-شىعىستا تۇمان تۇسەدى. تۇندە شىعىستا, جامبىل وبلىسىنىڭ تاۋلى ايماقتارىندا 2 گرادۋس اياز كۇتىلەدى», دەلىنگەن حابارلامادا.
ماڭعىستاۋدىڭ باسىم بولىگىندە, ورتالىقتا, قىزىلوردانىڭ وڭتۇستىگىندە, تۇركىستاننىڭ سولتۇستىگىندە, اتىراۋدىڭ وڭتۇستىگىندە, جەتىسۋ وبلىسىنىڭ سولتۇستىگىندە, اباي وبلىسىنىڭ وڭتۇستىگىندە, قاراعاندى وبلىسىنىڭ وڭتۇستىگىندە جوعارى ءورت قاۋپى ساقتالادى.