استانا. 7 قاڭتار. برازيليادا بولعان تەمىرجول اپاتى سالدارىنان زارداپ شەككەندەر سانى 140 ادامعا جەتتى. بۇل تۋرالى lenta.ru حابارلادى.
بۇعان دەيىن ەكى پويىزدىڭ سوقتىعىسۋىنان 69 ادامنىڭ زارداپ شەككەنى تۋرالى ايتىلعان بولاتىن.
وقيعا ريو-دە-جانەيرو شتاتىنا قاراستى مەسكيتا قالاسى ماڭىندا جۋسەلينو اتىنداعى ستانسادا ورىن العان. جولاۋشىلار پويىزى ءوزىنىڭ الدىندا توقتاپ تۇرعان باسقا پويىزدى سوققان ەكەن. قازىرگى ۋاقىتتا تەمىرجولدا قوزعالىس توقتاتىلدى.
كۋاگەرلەردىڭ پىكىرىنشە, بۇل وقيعادا ءولىم-جەتىمنىڭ بولماۋىنا اۋا رايى سەبەپ بولعان كورىنەدى. ويتكەنى پويىزدار اۋا رايىنىڭ قولايسىزدىعىنا بايلانىستى تومەن جىلدامدىقپەن جۇرگەن ەكەن.
جەرگىلىكتى باق وكىلدەرى باسىندا ەكى پويىزدىڭ دا رەلستەن شىعىپ كەتكەنىن حابارلاعان, الايدا, كەيىننەن بۇل اقپار جوققا شىعارىلدى.
ايدار ورىسباەۆ.
دەرەك: lenta.ru.
سۋرەت: stv.uz.