*«قازاگرو» 2014 جىلى شارۋالاردىڭ قارىزدارىن 25,8 ملرد. تەڭگەگە سۋبسيديالادى. كومپانيانىڭ مالىمەتىنشە, «قازاگروماركەتينگ» قۇرىلىمىنا سۋبسيديالاۋعا بايلانىستى اگرارلىق نارىقتىڭ قاتىسۋشىلارىنان 9 402 كرەديتتىك/ليزينگتتىك كەلىسىمشارتتار بويىنشا وتىنىشتەر كەلىپ تۇسكەن.
*بىلتىر ەلىمىزدە دەكرەتتەگى ايەلدەرگە 4 ملرد. تەڭگەدەن استام زەينەتاقى جارنالارى تولەندى. دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ءباسپاسوز قىزمەتى اتاپ كورسەتكەندەي, بۇل قارجى رەسپۋبليكالىق بيۋدجەتتەن قارالعان. ەسكە سالا كەتەيىك, 2014 جىلدىڭ 1 قاڭتارىنان باستاپ بالاسى 1 جاسقا تولعانعا دەيىن دەكرەتتىك دەمالىسقا شىققان ايەلدەردىڭ زەينەتاقى جيناقتارىن مىندەتتى سۋبسيديالاۋ ەنگىزىلگەن. ونىڭ ورتاشا مولشەرى 4 021 تەڭگەنى قۇرادى.
*استانادا 2014 جىلى 11 مىڭعا جۋىق جاس جۇپ شاڭىراق كوتەردى. قالالىق ادىلەت دەپارتامەنتى احاج ءبولىمىنىڭ حابارلاۋىنشا, قازىرگى تاڭدا جاس وتباسىلاردىڭ اراسىندا نەكەگە وتىرۋعا ەلەكتروندى تۇردە ءوتىنىش بەرۋ جاعدايلارى ارتىپ وتىرعان كورىنەدى.
*قىزىلوردا وڭىرىندە 3-6 جاس ارالىعىنداعى بالالاردىڭ 90%-ى مەكتەپكە دەيىنگى تاربيەمەن قامتىلعان. وبلىس اكىمدىگىنىڭ ءباسپاسوز قىزمەتى كەلتىرگەن دەرەككە قاراعاندا, وتكەن جىلى ايماقتا 80-نەن استام مەكتەپكە دەيىنگى وقىتۋ مەكەمەسى اشىلعان. سونىڭ ىشىندە 60-تان استامى بالاباقشا بولسا, قالعاندارى شاعىن ورتالىقتار.
*باتىس قازاقستاندا «بيزنەستىڭ جول كارتاسى-2020» باعدارلاماسىنا سايكەس 400-گە جۋىق جوبا ماقۇلدانعان. وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسىنان تۇسكەن مالىمەتتە كورسەتىلگەندەي, بۇلاردىڭ اراسىندا اۋىلدىق جەرلەردە 15,2 ملرد. تەڭگەنى قۇرايتىن 129 جوبا قولداۋ تاپقان. سونىڭ ناتيجەسىندە 3 مىڭنان استام جاڭا جۇمىس ورنى اشىلعان.
*ماڭعىستاۋ وبلىسىنىڭ شەبىر اۋىلىندا مادەنيەت ءۇيى پايدالانۋعا بەرىلدى. عيماراتتى سالۋعا وبلىستىق بيۋدجەتتەن 138 ملن. تەڭگە بولىنگەن. زامان تالابىنا ساي جابدىقتالعان كلۋبتىڭ ءماجىلىس زالىنا ءبىر مەزەتتە اۋىلدىڭ 200 تۇرعىنى سىيادى. ونىڭ اشىلۋ راسىمىنە قاتىسقان ايماق باسشىسىنىڭ ورىنباسارى بانۋ نۇرعازيەۆانىڭ ايتۋىنشا, بۇگىندە وڭىردە 117 مادەنيەت وشاعى قىزمەت كورسەتىپ وتىر. بىلتىر مادەنيەت سالاسىن دامىتۋعا وبلىستىق قازىنادان 2,4 ملرد. تەڭگە قارالىپتى.
*اتىراۋدا 280 ورىندىق بالاباقشا اشىلدى. وبلىستىق ىشكى ساياسات باسقارماسى مەكەمەنىڭ قۇرىلىسىنا رەسپۋبليكالىق بيۋدجەتتەن 405لن. تەڭگە جۇمسالعانىن مالىمدەدى. ايتا كەتەيىك, سوڭعى دەرەكتەرگە كوز جۇگىرتسەك, ايماقتا 2014 جىلى جالپى 3 180 ورىنعا ەسەپتەلگەن 17 بالاباقشا ەل يگىلىگىنە ۇسىنىلعان.
حابارلار ۇكىمەت, وبلىستىق اكىمدىكتەر سايتتارى مەن «قازاقپارات» اگەنتتىگىنىڭ دەرەكتەرى بويىنشا دايىندالدى.