«جەڭىسكە قۇرمەت» مارافون اكتسياسى سەمەي قالاسىنا جەتتى

سەمەي حالقى كەشە قازاقستان رەس­پۋب­ليكاسىنىڭ پرەزيدەنتى, قارۋلى كۇش­تەردىڭ جوعارعى باس قولباسشىسى نۇر­سۇلتان نازارباەۆتىڭ باستاماسىمەن جولعا شىققان «جەڭىسكە قۇرمەت» مارافون اكتسياسىن كۇتىپ الدى. مارافون ۇلى جەڭىستىڭ 70 جىلدىعىنا ارنالىپ وتىر. وفيتسەرلەردىڭ گارنيزون ۇيىندە وتكەن سالتاناتقا قالا حالقىمەن بىرگە, سوعىس اردا­گەر­لەرى جانە اسكەري قىزمەتكەرلەر جي­نالدى. جيىن بارىسىندا «شىعىس» اسكەري وڭىرلىك قول­باس­شى­لىعىنا قاراعاندىدان اكەلىن­گەن جەڭىس جالاۋى رەسمي تۇردە تابىستالدى. «شىعىس» وڭىرلىك اسكەري قول­باسشىلىعى قولباسشىسىنىڭ تاربيە ءىسى جانە الەۋمەتتىك-قۇقىقتىق جۇمىستار جونىندەگى ورىنباسارى ا. مۇقاتاەۆتىڭ ايتۋىنشا, بۇل جالپىۇلتتىق اكتسيا ەلىمىزدىڭ بارلىق قالالارىندا وتكىزىلەدى. اكتسيانىڭ تاعى ءبىر ماق­ساتى ونسىز دا قاتارى ازايىپ قالعان ۇلى وتان سوعىسىنىڭ ارداگەرلەرىنە قۇرمەت كورسەتۋ بولىپ تابىلادى. – ءبىز «استانا» وڭىرلىك قول­باس­شىلىعىنان ەلباسى تاپسىرماسىنا وراي جەتكىزىلگەن جەڭىس جالاۋىن كورگەن ءساتىمىزدى ەرەكشە باعالايمىز, – دەدى سوعىس اردا­گەرى عابدۋلعازيز احمەروۆ. – سول كەزدەگى كەڭەس وداعىنىڭ باس­قا حالىقتارمەن بىرگە جاۋ­دى تالقانداپ, جەڭىسكە جەتۋ ىسىنە قازاقتار دا ءوزىنىڭ لايىقتى ۇلە­سىن قوستى. قازاقستاندىق جاۋىن­گەرلەر برەست قامالىنان باس­تاپ بەرلينگە دەيىن باردى. ولار ستالينگراد تۇبىندەگى جەر­تولەلەردە, دنەپر وتكەلىندە, ماسكەۋ مەن لەنينگراد ءۇشىن بول­عان ۇرىستاردا باتىل ەرلىكتەر كور­سەتتى. ۋكراينانى, كاۆكازدى, بەلورۋسسيانى, قىرىمدى, بال­تىق بويى ەلدەرىن جاۋ قولىنان جانقيارلىقپەن ازات ەتتى. پولشا, رۋمىنيا, ۆەنگريا, چەحو­سلوۆاكيا, بولگاريا, گەرما­نيا جەرلەرىندەگى مايدان جولدارىندا جەڭىس تۋىن كوتەرىپ ءوتتى. ۇلى وتان سوعىسى جىلدارىن­دا ءبىز­دىڭ قانداستارىمىز قاتىس­پا­عان بىردە-ءبىر ۇلكەن شايقاس جوق. سالتاناتتى كەش سوڭى كون­تسەرت­تىك باعدارلاماعا ۇلاستى. جەڭىس جالاۋى قازاقستاننىڭ بار­لىق جەرىندە بولۋى كەرەك. اكتسيا سەمەيدەن كەيىن قاپ­شا­عايدا, وتاردا, اقتاۋدا, الماتىدا جالعاسادى. 15 قاڭتار­دا استاناداعى «جاس ۇلان» مەك­تە­بىندە اياقتالادى. سول جەردە ارداگەرلەر جاس ۇرپاققا وسى جا­لاۋدى تاپسىرىپ, بولاشاقتا وتانسۇيگىش پاتريوت, ەلىن, جەرىن قورعايتىن ازامات بولىپ وسۋلەرى ءۇشىن ەستەلىكتەر ايتىپ, جاستارعا اسكەري-رۋحاني باعىت بەرەتىن بولادى. راۋشان نۇعمانبەكوۆا. سەمەي. سۋرەتتى تۇسىرگەن اۆتور.