گيدروپونيكا

اتىراۋداعى تسەحتا وسىنداي ادىسپەن جەمدىك وسىمدىك وسىرىلەدى ماحامبەت اۋدانىنداعى «پەرۆومايسكي» سەرىكتەستىگى گيدروپونيكا ادىسىمەن جەمدىك وسىمدىك وسىرەتىن جاڭا تسەحتى ىسكە قوستى. تسەحتا بەس ادام جۇمىسقا تارتىلعان. سەرىكتەستىك ديرەكتورى ەسبولات ەسقاراەۆتىڭ ايتۋىنشا, گيدروپونيكا –وسىمدىكتى توپىراقسىز ءوسىرۋدىڭ بىردەن-ءبىر وڭتايلى ءتاسىلى. بۇل ءادىس شارۋاشىلىقتا 1993 جىلدان بەرى قولدانىلادى. وسى ءادىستىڭ ارقاسىندا ارپا ءبىر كۇندە كوكتەپ, التىنشى كۇنى ودان دايىن ءونىم الىنادى. ماسەلەن, 1700 توننا قۇرعاق ارپادان 10 توننا جاسىل بالاۋسا الۋعا بولادى. بۇل ءونىم ءمۇيىزدى ءىرى قارادان ءسۇت ءوندىرۋدى 30 پايىزعا دەيىن ارت­تىرادى. يسپاندىق تەحنولوگيا ورنا­تىلعان جاڭا تسەحتا وسىرىلگەن جەم­دىك وسىمدىكتىڭ وزىندىك قۇنى ارزان. ماسەلەن, ارپادان الىنعان جەمدىك وسىمدىكتىڭ ءبىر كەلىسى –14 تەڭ­گە. تسەح­تا جەمدىك وسىمدىكتى ءوسىرۋ ءۇشىن كۇنى­نە 20 توننا سۋ, ساعاتى­نا 130 كۆت ەلەكتر ەنەرگياسى جۇمسالادى. جولداسبەك شوپەعۇل, «ەگەمەن قازاقستان». اتىراۋ وبلىسى, ماحامبەت اۋدانى.