وتاندىق عالىمدارىمىز بەن ونەرتاپقىشتارىمىزدىڭ جەتىستىگى ۋاقىت وتكەن سايىن ەسەلەنىپ كەلەدى. اسىرەسە, سوڭعى كەزدەرى الەم نازارىنا ۇسىنىلعان تىڭ جوبالار مەن ايتۋلى جاڭالىقتاردىڭ ءمان-ماڭىزى ەرەكشە. مىنە, وسىناۋ ىرگەلى ىستەردىڭ قاتارى تاعى ءبىر عىلىمي جوبامەن تولىعىپ وتىر. ناقتىلاي ايتقاندا, قازاقستاندىق حيميك ەرلان دوسجانوۆ مۇنايدان لاستانعان جەردى تازارتۋدىڭ ءادىسىن ويلاپ تاۋىپ, بۇل جاڭالىعىن «ەۋرازيانىڭ ۇزدىك جاس عالىمى» سايىسىندا ءساتتى قورعاپ شىقتى. وسىلايشا, تمد ەلدەرىنەن كەلگەن جۇزدەن استام عالىم قاتىسقان كونكۋرستا وتانداسىمىزدىڭ جۇمىسى مامانداردىڭ ىستىق ىقىلاسىنا بولەنىپ, «ادام ەكولوگياسى» نوميناتسياسىندا ۇزدىك دەپ تانىلدى.
مۇنايدان لاستانعان توپىراق قاباتىن ميكرواعزالاردى قولدانۋ ارقىلى تازارتۋ ءتاسىلىن ۇسىنعان عالىم ءوز جاڭالىعىنىڭ ءمانىسىن «بۇل ءادىس ارقىلى توپىراقتى 73-90 پايىزعا دەيىن تازارتۋعا بولادى. كومىرسۋتەكتەر توتىعىپ, سوڭىندا سۋ مەن كومىرقىشقىل گازى ءبولىنىپ شىعادى», – دەپ ءتۇسىندىردى.
ايتا كەتەلىك, ەرلان دوسجانوۆ – PHD دوكتورى, جانۋ پروبلەمالارى ينستيتۋتىنىڭ عىلىمي قىزمەتكەرى, سونداي-اق, توپىراقتىڭ لاستانۋى سەبەبىن بيوحيميالىق ادىسپەن تابۋ جوباسىنىڭ اۆتورى.
جولدىباي بازار,
«ەگەمەن قازاقستان».