«قازگيدرومەت» رمك بولجامىنا سايكەس, سەيسەنبى, 23 ساۋىردە قازاقستان اۋماعىنىڭ باسىم بولىگىندە جاڭبىر جاۋىپ, نايزاعاي وينايدى, دەپ حابارلايدى Egemen.kz.
«وڭتۇستىك-شىعىستا قاتتى جاڭبىر مەن بۇرشاق جاۋى مۇمكىن. رەسپۋبليكا بويىنشا جەل كۇشەيىپ, وڭتۇستىك-باتىستا شاڭدى داۋىل سوعادى, وڭتۇستىكتە جانە وڭتۇستىك-شىعىستا ەكپىندى جەل سوعادى. تەك ەلىمىزدىڭ سولتۇستىك-شىعىسىندا, شىعىسىندا جانە ورتالىعىندا جاۋىن-شاشىنسىز اۋا رايى كۇتىلەدى», دەلىنگەن حابارلامادا.
سونىمەن قاتار اباي جانە شىعىس قازاقستان وبلىستارىندا قاردىڭ قارقىندى ەرۋىنە بايلانىستى وزەندەردەگى سۋ دەڭگەيى كوتەرىلەدى. تاس جولداردى, ەلدى مەكەندەر مەن شارۋاشىلىق قۇرىلىستاردى سۋ باسۋى مۇمكىن.