استانا. 6 قاڭتار. اقمولا وبلىسىنىڭ باسشىسى سەرگەي كۋلاگيننىڭ وكىمىمەن جانە قالالىق ءماسليحات دەپۋتاتتارى كەلىسىمى نەگىزىندە مارجىقپاەۆ ەرمەك بورانباي ۇلى كوكشەتاۋ قالاسىنىڭ اكىمى بولىپ تاعايىندالدى. بۇل تۋرالى «قازاقپارات» حابارلادى.
ەرمەك ب مارجىقپاەۆ 1969 جىلى تۋعان. جوعارى ءبىلىمدى. 1994 جىلى س.سەيفۋللين اتىنداعى اقمولا مەملەكەتتىك پەداگوگيكالىق ينستيتۋتىن تاريح ءپانى مۇعالىمى ماماندىعى بويىنشا, 2001 جىلى «تۇران» ۋنيۆەرسيتەتىن زاڭگەر ماماندىعى بويىنشا, 2009 جىلى كوكشەتاۋ ۋنيۆەرسيتەتىن قارجى باكلاۆرى ماماندىعى بويىنشا اياقتاعان.
ەڭبەك جولىن 1991 جىلى استانا قالاسىنىڭ №29 ورتا مەكتەبىنىڭ دەنە شىنىقتىرۋ ءپانىنىڭ مۇعالىمى, بوكس باپكەرى بولىپ باستادى. 1993 جىلعى قاڭتاردان باستاپ 1994 جىلعى قاراشا ارالىعىندا ششۋچە اۋدانى بۋراباي كەنتىنىڭ №7 ورتا مەكتەبىندە تاريح ءپانىنىڭ مۇعالىمى بولىپ جۇمىس ىستەگەن. 1994 جىلعى قاراشا مەن 1995 جىلعى ماۋسىم ارالىعىندا ششۋچە قالاسى «شوناي» شاعىن كاسىپورىنىنىڭ ديرەكتورى قىزمەتىندە بولدى. 1995 جىلعى ماۋسىمنان باستاپ «بەرەكە-بۋراباي» جشس باس ديرەكتورى قىزمەتىن اتقاردى.
2008 جىلعى تامىزدان باستاپ ارشالى اۋدانىنىڭ اكىمى, 2012 جىلعى ساۋىردەن باستاپ 2013 جىلعى قىركۇيەك ارالىعىندا زەرەندى اۋدانىنىڭ اكىمى بولدى. كەيىن, 2014 جىلعى ماۋسىمعا دەيىن اقمولا وبلىسى اكىمىنىڭ ورىنباسارى قىزمەتىن اتقاردى.
وسى تاعايىنداۋعا دەيىنگى قىزمەت ورنى – پرەزيدەنت اكىمشىلىگى مەملەكەتتىك باقىلاۋ جانە اۋماقتىق-ۇيىمداستىرۋ ءبولىمىنىڭ مەملەكەتتىك ينسپەكتورى.
جولدىباي بازار.
دەرەك, سۋرەت: «قازاقپارات».