وسكەمەن. 6 قاڭتار. «نۇر وتان» پارتياسى ورتالىق اپپاراتىنىڭ كەلىسىمىمەن «نۇر وتان» پارتياسى شىعىس قازاقستان وبلىستىق فيليالى توراعاسىنىڭ ءبىرىنشى ورىنباسارى بولىپ نۇرلىبەك شەرۋباەۆ تاعايىندالدى. بۇل تۋرالى egemen.kz ءتىلشىسى حابارلادى.
نۇرلىبەك شەرۋباەۆ سەمەي زووتەحنيكالىق-ۆەتەرينارلىق ينستيتۋتىن زووينجەنەر, س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن قۇقىقتانۋ, حالىقارالىق بيزنەس ۋنيۆەرسيتەتىن مەملەكەتتىك جانە جەرگىلىكتى باسقارۋ ماماندىقتارى بويىنشا تامامداعان.
ەڭبەك جولىن بۇرىنعى تاۆريا اۋدانىنان باستاعان. ءار جىلدارى «اسار» رەسپۋبليكالىق پارتياسى قوعامدىق بىرلەستىگى وبلىستىق فيليالىنىڭ حاتشىسى, اياگوز, گلۋبوكوە اۋداندارىنىڭ اكىمى, وبلىس اكىمىنىڭ باس ينسپەكتورى, سونداي-اق, وسكەمەن قالاسى اكىمى اپپاراتى مەن وبلىس اكىمى اپپاراتىنىڭ جەتەكشىسى قىزمەتتەرىن اتقاردى.
ول وسى تاعايىنداۋ الدىندا وبلىس اكىمىنىڭ ورىنباسارى قىزمەتىندە بولعان.
دۋمان اناش.
دەرەك: egemen.kz.
سۋرەت: شىعىس قازاقستان وبلىستىق اقپارات ورتالىعى.