استانا. 6 قاڭتار. بيىلعى مامىر ايىنىڭ 19-21 كۇندەرى الماتىدا تمد-دا العاش رەت يسلامدىق قارجىلىق قىزمەتتەر جونىندەگى كەڭەستىڭ 12-ءسامميتى وتەدى. بۇل تۋرالى ۇلتتىق بانكىنىڭ ءباسپاسوز قىزمەتى حابارلادى.
بىلتىرعى جىلدىڭ سوڭعى كۇنى اتالعان شارانى ىسكە اسىرۋ تۋرالى ۇلتتىق بانك پەن IFSB ءوزارا تۇسىنىستىك تۋرالى مەموراندۋمعا قول قويدى. IFSB سامميتىندە əلەمدە يسلامدىق قارجىلاندىرۋدى دامىتۋ, مەكەمەلەر قىزمەتىن رەتتەۋ, تۇراقتىلىقتى قامتاماسىز ەتۋ سالاسىنداعى وڭىرلىك جəنە عالامدىق ىنتىماقتاستىق پەن ونىڭ əلەۋەتىن ءوسىرۋ مəسەلەلەرى تالقىلانادى.
سامميت العاش رەت 2004 جىلى ۋەلس حانزاداسى ءچارلزدىڭ باسقارۋىمەن ۇلىبريتانيادا وتكىزىلگەن. كەيىنگىلەرى كاتاردا, ليۆاندا, باƏ-دە, يوردانيادا, سينگاپۋردا, باحرەيندە, ليۋكسەمبۋرگتە, تۇركيادا, مالايزيادا جəنە ماۆريكيادا ۇيىمداستىرىلعان ەدى. شارا جىل سايىن مامىر ايىندا ورتالىق بانكتەردىڭ نەمەسە ءىس-شارانى قوسا ۇيىمداستىرۋشى ەلدەردىڭ رەتتەۋشىلەرىنىڭ قولداۋىمەن بولادى. الماتى سامميتىنە 35 ەلدەن 300 دەلەگات قاتىسادى.
قازاقستاندا مۇنداي ءىس-شارانى ۇيىمداستىرۋ الماتىنى تمد-داعى جəنە ورتالىق ازياداعى يسلامدىق قارجى حابى رەتىندە ورنىقتىرۋعا ىقپال ەتەتىن بولادى. يسلامدىق قارجىلىق قىزمەتتەر جونىندەگى كەڭەس – بانك جəنە ساقتاندىرۋ جۇيەسىنەن, سونداي-اق كاپيتال نارىعىنان تۇراتىن يسلامدىق قارجىلىق قىزمەتتەر يندۋسترياسىنىڭ تۇراقتىلىعىن قامتاماسىز ەتەتىن ۇيىمداردى رەتتەيتىن جəنە باقىلايتىن حالىقارالىق ورگان. IFSB-نىڭ 184 مۇشەسى, ونىڭ ىشىندە 59-ى رەتتەۋشى جəنە قاداعالاۋشى ورگاندار, 8-ءى حالىقارالىق ۇكىمەتارالىق ۇيىمدار. قازاقستاننىڭ ۇلتتىق بانكى يسلامدىق قارجىلىق قىزمەتتەر جونىندەگى كەڭەسىنە 2011 جىلى كىردى. بۇعان دەيىن 2009 جىلى ەلىمىزدە يسلامدىق قارجىلاندىرۋ جونىندەگى زاڭ قابىلداندى. ناتيجەسىندە, يسلام بانكتەرىنىڭ, يسلامدىق ينۆەستيتسيالىق قورلاردىڭ جۇمىس ىستەۋى, يسلامدىق باعالى قاعازداردىڭ شىعارىلۋى ءۇشىن جاعدايلار جاسالعان.
يسلامدىق قارجىلاندىرۋدى, ساقتاندىرۋدى جəنە ليزينگتى دامىتۋ ءۇشىن ۇلتتىق بانك «يسلامدىق قارجىلاندىرۋ مəسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن əزىرلەدى. قازىرگى ۋاقىتتا كورسەتىلگەن زاڭ جوباسى پارلامەنتتىڭ تالقىلاۋىندا جاتىر. ال ۇكىمەت يسلامدىق قارجىلاندىرۋدى دامىتۋدىڭ 2020 جىلعا دەيىنگى جول كارتاسىن بەكىتتى. ونى ىسكە اسىرۋ يسلامدىق قارجىلىق قىزمەتتەر يندۋسترياسىن تۇراقتى دامىتۋ ءۇشىن جاعدايلار جاساۋعا, ەميتەنتتەردىڭ, ينۆەستورلاردىڭ جəنە نارىققا قاتىسۋشىلاردىڭ شەكتى سانىن قالىپتاستىرۋعا ىقپال ەتەتىن بولادى.
نۇرباي ەلمۇراتوۆ.
دەرەك: ۇلتتىق بانكتىڭ ءباسپاسوز قىزمەتى.
سۋرەت: istisna.kz.