«قازگيدرومەت» رمك 2024 جىلدىڭ مامىر ايىنا ارنالعان اۋا رايى بولجامىن ءبولىستى, دەپ حابارلايدى Egemen.kz.
رەسمي حابارلامادا مامىر ايىندا جازعى اتموسفەرالىق پروتسەستەرگە كوشۋ جۇزەگە اسىرىلاتىنى ايتىلعان.
«وڭتۇستىك ايماقتاردا ايدىڭ ءبىرىنشى جارتىسىندا, ال سولتۇستىك ايماقتاردا ايدىڭ سوڭىنا كاراي تۇراقسىز اۋا رايى ساقتالىپ, جاڭبىر جاۋادى, بۇرشاق ءتۇسىپ, جەل سوعادى دەپ كۇتىلەدى. ايدىڭ باسىم بولىگىندە سىناپ باعانى جوعارىلايدى. تيىسىنشە, مامىر ايى ىستىق بولادى», دەلىنگەن «قازگيدرومەت» رمك حابارلاماسىندا.
ماسەلەن, رەسپۋبليكامىزدىڭ سولتۇستىك جارتىسىندا كۇندىز تەمپەراتۋرا +25...+35°C دەيىن, وڭتۇستىك بولىگىندە +30...+40°C دەيىن ىسۋى مۇمكىن.
سۋىق تولقىندار اسەرىنەن اۋا تەمپەراتۋراسى كەلەسى ايماقتاردا تومەندەيدى دەپ كۇتىلەدى:
سولتۇستىك, شىعىس جانە ورتالىق ايماقتاردا, سونداي-اق ەلىمىزدىڭ وڭتۇستىك-شىعىسىنداعى تاۋلى ايماقتاردا تۇندە اۋا تەمپەراتۋراسى: -5...+5°C, كۇندىز: +10...+15°C. ەلىمىزدىڭ باتىسىندا جانە وڭتۇستىك بولىگىندە اۋا تەمپەراتۋراسى تۇندە: +5...+15°C دەيىن, كۇندىز +16...+26°C.
«مامىر ايىندا رەسپۋبليكامىزدىڭ باسىم بولىگىندە ورتاشا ايلىق اۋا تەمپەراتۋراسى نورمادان 1-2° جوعارى, باتىس ايماقتاردا نورما شاماسىندا بولادى دەپ كۇتىلەدى», دەلىنگەن سينوپتيكتەر بولجامىندا.