14 ساۋىردە «قازگيدرومەت» رمك-نىڭ ءباسپاسوز حاتشىسى الينا ىسماعۇلوۆا سۋ تاسقىنىنىڭ ەكىنشى تولقىنى ءۇش وڭىردە, اتاپ ايتقاندا, سولتۇستىك قازاقستان وبلىسى, باتىس قازاقستان وبلىسى جانە اتىراۋ وبلىسىندا كۇتىلەتىنىن ايتتى, دەپ حابارلايدى Egemen.kz.
ونىڭ ايتۋىنشا, سولتۇستىك قازاقستان وبلىسىنىڭ اۋماعىندا, باتىس قازاقستان وبلىسىنىڭ اۋماعىندا, اتىراۋ وبلىسىنىڭ اۋماعىندا سۋ تاسقىنىنىڭ ەكىنشى تولقىنىنىڭ ءجۇرۋ قاۋپى بار.
«شىعىس قازاقستان وبلىسىنىڭ اۋماعىندا ورنالاسقان تاۋلى وزەندەردە سۋ تاسقىنى كەزەڭى جازىق وزەندەردەن كەيىن وتەدى. قازىرگى ۋاقىتتا اقمولا وبلىسىنىڭ اۋماعىندا ەسىل وزەنىنىڭ كەيبىر سالالارىندا سۋ تاسقىنى شىڭدارى ءوتىپ جاتىر, بۇل ەسىل وزەنىندە سۋ دەڭگەيىنىڭ قايتا كوتەرىلۋىنە سەبەپ بولۋى مۇمكىن. سونداي-اق, سۋ دەڭگەيىنىڭ كوتەرىلۋى نۇرا وزەنىنىڭ تومەنگى اعىسىندا جالعاسۋدا», دەدى ا. ىسماعۇلوۆا.