قازاقستان سينوپتيكتەرى 11-13 ءساۋىر ارالىعىنا ارنالعان اۋا رايى بولجامىن ۇسىندى, دەپ حابارلايدى Egemen.kz.
بولجام بويىنشا, ەل اۋماعىنىڭ باسىم بولىگى اتموسفەرالىق فرونتالدى بولىكتەردىڭ ىقپالىندا بولادى, وسىعان بايلانىستى جاڭبىر مەن قار تۇرىندەگى جاۋىن-شاشىن جاۋادى.
«11-12 ساۋىردە ەلىمىزدىڭ شىعىسى مەن وڭتۇستىك-شىعىسىندا قاتتى جاۋىن-شاشىن (جاڭبىر, قار) جاۋادى دەپ بولجانىپ وتىر. رەسپۋبليكا بويىنشا تۇنگى جانە تاڭەرتەڭگى ساعاتتاردا تۇمان, كۇندىز باتىستا, وڭتۇستىك ايماقتاردا نايزاعاي, ورتالىقتا, شىعىستا جانە وڭتۇستىك-شىعىستا ەكپىندى جەل سوعادى», دەلىنگەن «قازگيدرومەت» رمك حابارلاماسىندا.
رەسپۋبليكانىڭ باسىم بولىگىندە تەمپەراتۋرالىق فوندا ايتارلىقتاي اۋىتقۋلار بايقالمايتىنى قوسا حابارلاندى. تەك ەلدىڭ سولتۇستىك جانە شىعىس ايماقتارىندا 12-13 ساۋىردە تۇنگى ۋاقىتتا اۋا تەمپەراتۋراسى 1-13 ايازعا دەيىن تومەندەيدى.