وتاندىق ءوندىرىستى ىنتالاندىرۋ ءۇشىن پرەمەر-مينيستر جىل سوڭىنا دەيىن ءىرى كاسىپورىنداردىڭ شاعىن جانە ورتا بيزنەس سۋبەكتىلەرىمەن جاسالاتىن وففتەيك-كەلىسىمشارتتارىنىڭ سانىن كەم دەگەندە ەكى ەسەگە ارتتىرۋدى تاپسىردى. ەگەر بۇرىن بۇل جۇمىس ەرىكتى تۇردە جۇرگىزىلسە, قازىر زاڭنامادا ءىرى كاسىپورىنداردىڭ اينالاسىندا شوب بەلدەۋىن قۇرۋ جانە ولارمەن ۇزاقمەرزىمدى كەلىسىمشارتتار جاساسۋ مىندەتى بەكىتىلگەن.
بۇگىنگى تاڭدا ءىرى تاپسىرىس بەرۋشىلەر مەن وتاندىق وندىرۋشىلەر اراسىندا مونوقالالاردا 24,5 ملرد تەڭگە سوماسىنا 20 ۇزاقمەرزىمدى شارت جانە 47,3 ملرد تەڭگەگە 13 وففتەيك-كەلىسىمشارت جاسالدى.
قولدانىستاعى تەتىك اياسىندا مونوقالالاردىڭ بىرقاتار كاسىپورنى جەتكىزۋشىلەرمەن ءتيىمدى باعامەن شيكىزاتتىڭ قاجەتتى كولەمىن جەتكىزۋ جونىندە كەلىسىمدەر جاساستى. ۇكىمەت باسشىسى بۇل شارالار جەتكىلىكسىز ەكەنىن اتاپ ءوتتى.
ء«ىرى كومپانيالاردىڭ اينالاسىندا شاعىن جانە ورتا بيزنەس سۋبەكتىلەرىنىڭ بەلدەۋىن دامىتۋ قاجەت. بۇل ءىرى كومپانيالاردىڭ مىندەتى بولۋى كەرەك. ۇكىمەت تاراپىنان ولارعا كومەك كورسەتىلۋدە. ءوز كەزەگىندە ولار قارسى مىندەتتەمەلەر قابىلداۋى كەرەك», دەدى ۇكىمەت وتىرىسىندا ولجاس بەكتەنوۆ.
بۇگىنگى تاڭدا 14 مونوقالادا 1,5 مىڭنان استام كاسىپورىن جۇمىس ىستەيدى. ولار 70%-دان 100%-عا دەيىن جۇكتەلگەن. 2023 جىلى كاسىپورىنداردىڭ ءوندىرىس كولەمى 18,5 ترلن تەڭگەنى نەمەسە جالپى رەسپۋبليكالىق كورسەتكىشتىڭ 40%-ىن قۇرادى.