سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ جونىندەگى كوميتەتىنىڭ كەڭەيتىلگەن وتىرىسى ءوتتى. جيىندا «اگروونەركاسىپتىك كەشەننىڭ ەكسپورتتىق الەۋەتىن ارتتىرۋ, يمپورتتى الماستىرۋ جاعدايىندا اۋىل شارۋاشىلىعى ونىمدەرىن قايتا وڭدەۋ ماسەلەلەرى» اتتى ۇكىمەت ساعاتىنىڭ قورىتىندىسىندا قابىلدانعان ۇسىنىمداردىڭ ىسكە اسىرىلۋى تۋرالى» تاقىرىبى تالقىلاندى.
كوميتەت توراعاسى ءالي بەكتاەۆ قازاقستان ءۇشىن اگروونەركاسىپ كەشەنى ەلىمىز ەكونوميكاسىنىڭ نەگىزگى سالاسى ەكەنىن اتاپ ءوتتى. جاڭا تەحنولوگيانى پايدالانۋ ارقىلى قايتا وڭدەلگەن ءونىمنىڭ ۇلەسىن ۇلعايتا وتىرىپ, ونى 70 پايىزعا جەتكىزۋ تۋرالى مەملەكەت باسشىسى تاپسىرماسىنىڭ ورىندالۋىن قامتاماسىز ەتۋ كەرەك.
«قازاقستان ءۇشىن اگروونەركاسىپ سەكتورى مەن قايتا وڭدەۋ ونەركاسىبى ازىق-ت ۇلىك قاۋىپسىزدىگىن قامتاماسىز ەتۋ جانە اۋىل شارۋاشىلىعى ونىمدەرىنە ىشكى سۇرانىستى قاناعاتتاندىرۋدا ماڭىزدى ءرول اتقارادى. ۇكىمەتتىڭ, بيزنەس-قوعامداستىقتىڭ جانە اۋىل تۇرعىندارىنىڭ بىرلەسكەن كۇش-جىگەرىمەن عانا اگروونەركاسىپ سەكتوردىڭ تۇراقتى دامۋىن قامتاماسىز ەتۋگە جانە ەلدىڭ يمپورتتىق ونىمدەرگە تاۋەلدىلىگىن تومەندەتۋگە بولادى», دەدى ءالي بەكتاەۆ.
سەناتور زاكيرجان كۋزيەۆ ءوز كەزەگىندە ۇكىمەت ساعاتىنىڭ قورىتىندىسىندا كوميتەت ءوز قۇزىرەتى اياسىندا مەملەكەتتىك ورگاندارعا 27 ۇسىنىس بەرگەنىن ەسكە سالدى. ونداعى 13 ۇسىنىم بويىنشا مەملەكەتتىك ورگاندار قاجەتتى شارالار قابىلدادى, 6 ۇسىنىم ورىندالمادى جانە 3 ۇسىنىم بويىنشا تالقىلاۋ جانە جوسپارلاۋ ساتىسىندا جۇمىس ءجۇرىپ جاتىر.
اۋىل شارۋاشىلىعى ءمينيسترىنىڭ ورىنباسارى باعلان بەكباۋوۆ ءوز سوزىندە وسى ۇسىنىستاردى ىسكە اسىرۋ ءۇشىن اگروونەركاسىپ كەشەنىن دامىتۋدىڭ 2021-2030 جىلدارعا ارنالعان تۇجىرىمداماسىنا ءتيىستى وزگەرىستەر ەنگىزىلگەنىن ايتتى. ولار قايتا وڭدەۋ كاسىپورىندارىن ءوندىرىس قۋاتىندا بارىنشا قامتاماسىز ەتۋ, اۋىل شارۋاشىلىعى شيكىزاتىن قايتا وڭدەۋ ۇلەسىن ۇلعايتۋ جانە ىشكى جانە سىرتقى نارىقتاردا وتاندىق ءونىمنىڭ باسەكەگە قابىلەتتىلىگىن ارتتىرۋ ءۇشىن مەملەكەتتىك قولداۋدىڭ جۇيەلى شارالارىن جۇزەگە اسىرۋعا باعىتتالعان.