يتاليادا ءوتىپ جاتقان وليمپياداعا جولداما ساراپقا سالىنىپ جاتقان تۋرنيردە قوس قازاق كەزدەستى. 51 كەلىدە الەم چەمپيونى ساكەن بيبوسىنوۆ باحرەين مەملەكەتىنىڭ اتىنان شىققان قازاق ازات ماحمەتوۆكە قارسى جۇدىرىقتاستى, دەپ جازادى Egemen.kz.
قازاقستان بوكس فەدەراتسياسى 1\8 فينالدا ساكەن بيبوسىنوۆتىڭ جەڭىسكە جەتكەنىن حابارلادى. ول ازات ماحمەتوۆتەن 4:1 ەسەبىمەن باسىم ءتۇستى.
ء«بىر-ءبىرىن اڭدىسىپ وتكەن ايقاستا ساكەن ءدال سوققىلارىن مەيلىنشە كوپ باعىتتادى. قوس بوكسشى بۇعان دەيىن 2019 جىلى كونفەدەراتسيا كۋبوگىندە جولىعىپ, ساكەن بيبوسىنوۆ جەڭىسكە قول جەتكىزگەن ەدى», دەپ جازدى فەدەراتسيا.
ايتا كەتەيىك, ساكەن بيبوسىنوۆ ەرتەڭ شەشۋشى جەكپە-جەگىن ەۋروپا چەمپيوناتىنىڭ كۇمىس جۇلدەگەرى, ۇلىبريتانيالىق كياران ماكدونولدكە قارسى وتكىزەدى.
سونداي-اق ليتسەنزيالىق ءتۋرنيردىڭ وسى كەزەڭىندە وتانداسىمىز نۇربەك ورالباي بەيتاراپ بوكسشى رەتىندە قاتىسىپ جاتقان بەلارۋس سپورتشىسى الەكسەي الفەروۆتى قاپى قالدىرىپ, جەڭىسكە جەتتى.