اقمولا پوليتسەيلەرى جوعالعان ەلوردا تۇرعىنىن وبلىس اۋماعىندا تاپتى. قورعالجىن اۋداندىق پوليتسيا ءبولىمىنىڭ ۋچاسكەلىك پوليتسيا ينسپەكتورى شالقار اۋىلىندا جەدەل-ىزدەستىرۋ ءىس-شارالارىن جۇرگىزۋ كەزىندە ەلوردانىڭ حابار-وشارسىز كەتكەن 40 جاستاعى تۇرعىنى ورنالاسقان جەردى انىقتاعان, دەپ حابارلايدى Egemen.kz aqmola_pd ينستاگرام پاراقشاسىنا سىلتەمە جاساپ.
اتالعان ينستاگرام پاراقشاسىنىڭ مالىمەتىنشە, 2018 جىلدىڭ 8 شىلدەسىندە استانا قالاسى پوليتسياسىنا ەر ادامنىڭ ۇيدەن كەتىپ, قايتا ورالماعانى حابارلانعان. ونى ىزدەۋگە ەلوردالىق پوليتسيا قىزمەتكەرلەرى عانا ەمەس, سونىمەن قاتار وبلىستىق پوليتسيا قىزمەتكەرلەرى دە جۇمىلدىرىلعان.
جوعالعان ادامدى ىزدەۋ جۇمىستارى اقمولا وبلىسى اۋماعىندا جانە باسقا وبلىستاردا جۇرگىزىلىپ, اقىرى مەملەكەتارالىق ىزدەۋگە جىبەرىلگەن. «ەر ادام بىرنەشە اي بۇرىن قورعالجىن اۋدانى اۋماعىنداعى جەكە ۇيلەردىڭ بىرىنە قونىستانعان. سول جەردەن تابىلدى. قازىرگى ۋاقىتتا ءىستىڭ ءمان-جايى انىقتالىپ جاتىر», دەلىنگەن حابارلامادا.