مەملەكەت باسشىسى «جاڭا قازاقستان: جاڭارۋ مەن جاڭعىرۋ جولى» اتتى جولداۋىندا: «ازاماتتاردىڭ وكىلدى بيلىككە دەگەن سەنىمىن نىعايتۋ ءۇشىن ماسليحاتتارعا باسا ءمان بەرگەن ءجون. مىقتى ءماسليحاتتار وزەكتى ماسەلەلەردىڭ شەشىمىن تابۋعا جانە ايماقتارداعى تۇرمىس ساپاسىن جاقسارتۋعا اسەر ەتە الادى», دەگەن ەدى.
پرەزيدەنت ايتقانداي, ءماسليحاتتار حالىقتىڭ ماسەلەسىن شەشە الاتىن كۇشكە اينالۋعا ءتيىس. ول ءۇشىن ءاربىر دەپۋتات بەلسەندى بولىپ, وڭىرگە ينۆەستيتسيا تارتۋ, جاڭا ءوندىرىس ورىندارىن اشۋ جۇمىستارىنا اتسالىسۋى قاجەت. تۇركىستان وبلىسىنداعى 337 دەپۋتات وسى جۇمىستاردى ۇيلەستىرۋگە بەلسەنە قاتىسسا, جاقسى ناتيجەلەرگە جەتەمىز دەپ سانايمىن. بۇل مىندەتتەردى ىسكە اسىرۋعا بىزدە رەسۋرس تا, مۇمكىندىك تە بار. ەڭ باستىسى – ەلىمىزدە تۇراقتىلىق پەن تىنىشتىق بەرىك ورنىققان. سوندىقتان ءتۇرلى گەوساياسي جاعدايلار ورىن الىپ, الەم قىرعي-قاباق قاتىناستاردىڭ ەڭ قيىن كەزەڭدەرىن باستان وتكەرىپ وتىرعاندا ەلىمىز ينۆەستيتسيالار ءۇشىن تارتىمدى دەسەك تە بولادى.
مەملەكەت باسشىسى ۇكىمەتتىڭ كەڭەيتىلگەن وتىرىسىندا نەگىزگى كاپيتالعا سالىنعان ينۆەستيتسيانىڭ ىشكى جالپى ونىمگە شاققانداعى ۇلەسى ازايىپ بارا جاتقانىن ايتىپ ءوتتى. «بۇل كۇردەلى جاعداي دەۋگە بولادى. سەبەبى ەكونوميكاعا جەتكىلىكتى قاراجات سالىنباي جاتىر. سونىڭ سالدارىنان الداعى جىلدارى ەلدىڭ دامۋ قارقىنىن ساقتاپ تۇرۋدىڭ ءوزى قيىن بولۋى مۇمكىن. سوندىقتان ىشكى جانە سىرتقى ينۆەستيتسيانى ايتارلىقتاي كوبەيتۋ كەرەك», دەدى پرەزيدەنت. وسى ورايدا شەتەلدىك ينۆەستيتسيالار تارتۋ ىسىندە بەلسەندى ارەكەت ەتىپ, ينۆەستورلار ءۇشىن نەعۇرلىم وڭتايلى جاعدايلار جاساۋعا ۇمتىلا بەرۋىمىز كەرەك. ەلىمىزگە ينۆەستيتسيا كوپ تارتىلسا, سوعۇرلىم ەكونوميكامىز داميتىنىن ەستەن شىعارماۋىمىز قاجەت. سونداي-اق مەملەكەت باسشىسى مىندەتتەگەندەي ادىلەتتى قازاقستاندى قۇرۋ ءۇشىن ەڭ الدىمەن شاعىن جانە ورتا بيزنەستى دامىتىپ, ءوندىرىس ورىندارىن اشۋعا ءوز ۇلەسىمىزدى قوسۋ – ارقايسىمىزدىڭ پەرزەنتتىك پارىزىمىز. ارينە, بۇل ءبىر كۇندىك شارۋا ەمەس, دەگەنمەن بىلەك تۇرە كىرىسىپ, بىرلىگىمىز بەن ىنتىماعىمىزدى, تاتۋلىعىمىز بەن تۇراقتىلىعىمىزدى جانە ءوزارا اۋىزبىرلىگىمىزدى كوزدىڭ قاراشىعىندىي قاستەرلەپ, جۇمىلا جۇمىس ىستەگەندە عانا العا قويعان مەرەيلى ماقساتتارعا قول جەتكىزەمىز.
تۇركىستان وبلىستىق ءماسليحات دەپۋتاتتارى ءوڭىردىڭ 17 قالاسى مەن اۋدانىن ارالاپ, حالىق الدىندا ەسەپ بەردى. تۇرعىنداردى مازالايتىن ماسەلەلەردى تىڭداپ, وزەكتى ماسەلەلەردىڭ شەشىلۋىنە وڭ ىقپال ەتۋ جانە اتقارىلعان جۇمىستار تۋرالى اقپارات بەرۋ ماقساتىنداعى كەزدەسۋلەردى جەرگىلىكتى تۇرعىندار جوعارى باعالاپ, قۇپتايتىندىقتارىن جەتكىزدى. سونىمەن قاتار تۇرعىندار وزدەرىن مازالايتىن ماسەلەلەرمەن ءبولىستى. حالىقتى الاڭداتاتىن ماسەلەلەردىڭ كوبى الەۋمەتتىك سالاعا قاتىستى. ياعني مەكتەپ, سپورت الاڭى, مادەنيەت ءۇيىن, دەنساۋلىق ساقتاۋ مەكەمەلەرىن سالىپ بەرۋدى سۇرادى. سونداي-اق اۋىزسۋ, ساپالى جول, جىلدامدىعى جوعارى ينتەرنەت, ەلەكتر ەنەرگياسى, تابيعي گاز, جۇمىسپەن قامتۋ سىندى ماسەلەلەر العا تارتىلدى. بۇگىندە ءاربىر كەزدەسۋدە كوتەرىلگەن ماسەلەلەردىڭ بارلىعى حاتتاماعا ەنىپ, ءتيىستى ۇسىنىستارمەن مەملەكەتتىك ورگاندارعا جولداندى. الداعى ۋاقىتتا ونىڭ ورىندالۋى تۇراقتى باقىلاۋدا بولادى.
كوپتەگەن ماسەلەنىڭ شەشىمى بيۋدجەتكە كەلىپ تىرەلەدى. وبلىسىمىزدىڭ 2024 جىلعى بيۋدجەتى 1 تريلليون 352 ميلليارد تەڭگەنى قۇراسا, سونىڭ 90 پايىزى رەسپۋبليكادان بەرىلەدى. تۇركىستان وبلىسى دوتاتسيالى ايماق بولعاندىقتان, كوپ ماسەلە ورتالىقتان قارجىنىڭ بولىنۋىنە تىكەلەي بايلانىستى. بۇل ورايدا قوسىمشا كىرىس كوزدەرىن ارتتىرۋ ماقساتىندا وڭدەۋ ونەركاسىبىن دامىتۋ, ينۆەستيتسيا تارتۋ, سالىق كوزدەرىن تابۋ, زاۋىت-فابريكالار اشۋعا باسىمدىق بەرىلىپ, ءتۇرلى جوبالار قولعا الىنعان. وسى باعىتتا وڭىرلىك ينۆەستيتسيالىق شتاب ينۆەستورلارمەن تىكەلەي جۇمىس جۇرگىزىپ, وبلىس دەلەگاتسيالارى شەتەلدەرگە بارىپ كەلدى. بۇل جۇمىستار ءوز جەمىسىن بەرە باستادى.
نۇرالى ءابىشوۆ,
تۇركىستان وبلىستىق ءماسليحاتىنىڭ توراعاسى