بۇگىن الماتىدا ءۇش قوعامدىق اۆتوبۋس پەن ءبىر جەڭىل كولىكتىڭ قاتىسۋىمەن جول اپاتى بولدى, دەپ جازادى Egemen.kz.
وقىس وقيعا بۇگىن تاڭعى ساعات 9:00 شاماسىندا بولعان.
«13 اقپان كۇنى ساعات 09:00 شاماسىندا رايىمبەك داڭعىلىنىڭ بويىمەن شىعىس باعىتتا كەلە جاتقان 54-باعىتتاعى اۆتوبۋس جۇرگىزۋشىسى الدا كەلە جاتقان 133-مارشرۋتتاعى اۆتوبۋسپەن, سونداي-اق Nexia كولىگىمەن سوقتىعىستى. 133-ءشى اۆتوبۋس ينەرتسيا سالدارىنان قاتارلاس كەلە جاتقان 88-باعىتتاعى اۆتوبۋسپەن سوقتىعىسقان», دەپ حابارلادى پوليتسيا دەپارتامەنتى.
جاراقات العاندار بار. ولارعا مەديتسينالىق كومەك كورسەتىلىپ جاتىر. جول-كولىك وقيعاسىنا بايلانىستى مەدەۋ اۋداندىق پوليتسيا دەپارتامەنتى تەرگەپ-تەكسەرۋدى باستادى.