«قازگيدرومەت» رمك ءباسپاسوز قىزمەتى 9 اقپانعا ارنالعان اۋا رايى بولجامىن جاريالادى, دەپ جازادى Egemen.kz.
سينوپتيكتەردىڭ مالىمەتىنشە, ەرتەڭ بوران كۇشەيىپ, قاتتى جەل سوعادى.
سۋىق اتموسفەرالىق فرونتال قىسىمى قازاقستاننىڭ بۇكىل اۋماعىنا ىقپال ەتەدى: قار جاۋىپ, سولتۇستىكتە بۇرقاسىن بولادى. قازاقستان بويىنشا كوكتايعاق, تۇمان, جەلدىڭ كۇشەيۋى, سولتۇستىك-باتىس پەن سولتۇستىكتە بوراندى جەل بولجانىپ وتىر.
«اقمولا وبلىسىنىڭ شىعىسىندا, سولتۇستىك قازاقستان وبلىسىنىڭ وڭتۇستىگىندە, شىعىسىندا, پاۆلودار وبلىسىنىڭ باتىسىندا, سولتۇستىگىندە, اباي وبلىسىنىڭ ورتالىعىندا, تۇندە قوستاناي وبلىسىنىڭ وڭتۇستىگىندە, شىعىسىندا سەكۋندىنا 30 مەتر جانە ودان دا كۇشتى قاتتى جەل سوعادى دەپ بولجانىپ وتىر», دەلىنگەن «قازگيدرومەت» رمك حابارلاماسىندا.