سينوپتيكتەر 24 قاڭتاردا قازاقستان اۋماعىندا بولاتىن سينوپتيكالىق جاعداي مەن قاۋىپتى اۋا رايى قۇبىلىسىنىڭ بولجامىن جاريالادى, دەپ حابارلايدى Egemen.kz.
«قازگيدرومەت» رمك مالىمەتى بويىنشا, قازاقستان اۋماعىنىڭ باسىم بولىگى وڭتۇستىك تسيكلون مەن اتموسفەرالىق فرونتتاردىڭ ىقپالىندا بولادى, سوندىقتان تۇراقسىز اۋا رايى ساقتالادى.
سينوپتيكتەر ەلدىڭ وڭتۇستىگى مەن وڭتۇستىك-شىعىسىندا قار جاۋادى دەپ بولجاپ وتىر. قازاقستاننىڭ باسقا ايماقتارىندا تۇمان, جەل كۇشەيىپ, بۇرقاسىن كۇتىلەدى, وڭتۇستىك-باتىستا, وڭتۇستىكتە جانە ورتالىقتا كوكتايعاق بولۋى مۇمكىن.