سوڭعى اپتادا امەريكا قۇراما شتاتتارىندا كەم دەگەندە 89 ادام قايتىس بولدى. وعان قاقاعان قىستىڭ سۋىعى سەبەپشى بولعان, دەپ حابارلايدى Egemen.kz CBS News-كە سىلتەمە جاساپ.
بۇقارالىق اقپارات قۇرالدارىنىڭ حابارلاۋىنشا, قايتىس بولعانداردىڭ كوبى تەننەسسي شتاتىندا تىركەلدى. وندا 25 ادام كوز جۇمعان. ورەگوندا 16 ازامات قازا تاپتى. ولاردىڭ ۇشەۋى اعاش قۇلاعان ساتتە كولىكتە وتىرعان.
يللينويس, پەنسيلۆانيا, ميسسيسيپي, ۆاشينگتون, كەنتۋككي, ۆيسكونسين, نيۋ-يورك جانە نيۋ-دجەرسيدە قورقىنىشتى وقيعالار تىركەلدى. قازىرگى ۋاقىتتا ەلدە اۋا رايى سۋىق: قاتتى جەل, قار مەن كوكتايعاق.
وسىعان دەيىن تەمپەراتۋرا كەيبىر ساتتەردە مينۋس 34,4 گرادۋسقا دەيىن تومەندەگەنى تۋرالى حابارلانعان. كۇننىڭ سۋى 12 قاڭتاردا باستالدى.