اۋا تەمپەراتۋراسى ءجيى قۇبىلادى. قاڭتاردا اۋا رايى قانداي بولادى؟

سينوپتيكتەردىڭ ايتۋىنشا, 2024 جىلدىڭ العاشقى ايىندا ەلدەگى اۋا رايىنا اتلانتيكالىق تسيكلوندار اسەر ەتەدى. سوندىقتان رەسپۋبليكانىڭ باسىم بولىگىندە جاۋىن-شاشىن (جاڭبىر, قار), سولتۇستىك وڭىرلەردە ءجيى قار جاۋادى.

رەسپۋبليكا بويىنشا  بۇرقاسىن, كوكتايعاق بولىپ, 15-28 م/س دەيىن جەل سوعادى. 

3 قاڭتاردان باستاپ قازاقستاننىڭ سولتۇستىك-باتىسىندا, سولتۇستىگىندە, ورتالىعىندا جانە شىعىسىندا اۋا تەمپەراتۋراسى از ۋاقىتقا تومەندەيدى:

رەسپۋبليكانىڭ سولتۇستىك-باتىسىندا, سولتۇستىگىندە تۇندە -3...+2°س-تان -20...-27°س-قا دەيىن, كۇندىز -3...+2°س-تان -7...-15°س-قا دەيىن;

ەلىمىزدىڭ ورتالىعىندا جانە شىعىسىندا تۇندە 0...-8°س-تان -20...-28°س-قا دەيىن, كۇندىز 0...-5°س-تان -5...-18°س-قا دەيىن اياز بولادى دەپ بولجانىپ وتىر.

سينوپتيكتەر ءبىرىنشى ونكۇندىكتىڭ ەكىنشى بولىگىندە قازاقستاننىڭ سولتۇستىك جارتىسىندا ايازدىڭ بەتى قايتادى دەپ بولجادى: تۇندە -5...-15°س دەيىن, كۇندىز -3...-8°س دەيىن تەمپەراتۋرا تومەندەيدى.

قاڭتاردىڭ ءبىرىنشى ونكۇندىگىنىڭ سوڭىندا, ەكىنشى ونكۇندىگىنىڭ باسىندا انتيتسيكلوننىڭ كۇشەيۋىمەن تۇندە تەمپەراتۋرا قايتادان -18...-25°س دەيىن تومەندەيدى. ەلىمىزدىڭ باتىس وڭىرلەرىندە قاڭتار ايىنىڭ باسىندا اۋا تەمپەراتۋراسىنىڭ تۇندە -3...+5°س-تان 0...-10°س-قا دەيىن, كۇندىز -3...+7°س-تان 0...-5°س-قا دەيىن تومەندەۋى كۇتىلەدى. ايدىڭ ەكىنشى جارتىسىندا – تۇندە -10...-18°س-قا دەيىن, كۇندىز -3...-10°C-عا دەيىن ارى قاراي تومەندەيدى, ءبىرىنشى ونكۇندىكتىڭ سوڭىندا عانا كۇن جىلىنادى. رەسپۋبليكانىڭ وڭتۇستىك جارتىسىندا اۋا تەمپەراتۋراسى تۇندە -5...+5°س-تان -3...-15°س-قا دەيىن, كۇندىز +5...+10°س-تان -8...+3°س-قا دەيىن وزگەرۋى بولجانادى.

كونسۋلتاتيۆتىك بولجامعا سايكەس 2024 جىلعى قاڭتاردىڭ ەكىنشى جانە ءۇشىنشى ون كۇندىگىندە قازاقستاننىڭ باسىم بولىگىندە اۋا رايىنىڭ كۇرت وزگەرۋى كۇتىلەدى. اتاپ ايتقاندا, ايازدى كۇندەر جيىلەپ, قار ءجيى جاۋىپ, بۇرقاسىن بولۋى ىقتيمال. سونىمەن قاتار قاڭتاردا اۋا ماسسالارى وزگەرىپ, كوكتايعاق بولىپ, تۇمان تۇسەدى دەپ بولجانعان.

اۋا تەمپەراتۋراسى سولتۇستىك جارتىسىندا جانە شىعىسىندا تۇندە -3...-13°س دەيىن, كۇندىز -5...+5°س دەيىن رەسپۋبليكانىڭ وڭتۇستىك جارتىسىندا جانە باتىسىندا تۇندە -5...+5°س دەيىن, كۇندىز +5...+15°س دەيىن جوعارىلايدى.

قاڭتار ايىنىڭ سوڭىندا اۋا تەمپەراتۋراسى تومەندەۋى مۇمكىن: قازاقستىننىڭ سولتۇستىك جارتىسىندا, شىعىسىندا جانە وڭتۇستىك-شىعىستىڭ تاۋلى ايماقتارىندا تەرمومەتر كورسەتكىشى تۇندە -22...-30°س دەيىن, كۇندىز -12...-20°س دەيىن بولاسا قازاقستاننىڭ وڭتۇستىك جارتىسىندا جانە باتىسىندا تۇندە -13...-23°س دەيىن, كۇندىز -3...-13°س-تى كورسەتەدى.

قاڭتار ايىندا قازاقستان اۋماعى بويىنشا تەمپەراتۋرالىق فون كليماتتىق نورمادان 1...-2°جوعارى بولادى. جاۋىن-شاشىن مولشەرى ەلىمىزدىڭ باسىم بولىگىندە نورما شاماسىندا, ەلدىڭ سولتۇستىك-باتىس جارتىسىندا, وڭتۇستىگى مەن وڭتۇستىك-شىعىسىنىڭ تاۋلى جانە تاۋ بوكتەرىندەگى اۋداندارىندا نورمادان كوپ بولادى دەپ بولجانىپ وتىر.