ءدىني سەنىمدەر ادام ومىرىندە ۇلكەن ءرول اتقارادى. ادامنىڭ قوعامداعى, بۇكىل عارىشتاعى ءرولىن تۇسىندىرەدى, كەمەلدىككە ۇمتىلۋعا شاقىرادى. قيىن كەزەڭدە ءدىني ءىلىم قاجەتتى ەموتسيونالدىق جانە پسيحولوگيالىق قولداۋ كورسەتەدى.
ادامزات تاريحى ءدىني قايشىلىقتار سالدارىنان كوپتەگەن قاقتىعىستىڭ, سونىڭ ىشىندە سوعىستاردىڭ كۋاگەرى بولدى. شىندىعىندا, ء«دىن» جانە «جانجال» سوزدەرى ءبىر-بىرىمەن ۇيلەسپەيدى. ءار ءدىن ىنتىماق, بىرلىك, باۋىرمالدىق قۇندىلىقتارىن ۇيرەتسە, وندا داۋ-دامايعا ورىن جوق. ءدىن وزەكتىلىگىن جوعالتپاسا, وندا ءتۇرلى نانىمداعى ادامدار ءبىر-بىرىنەن الشاقتاۋدىڭ ورنىنا, ورتاق ىزگىلىك قۇندىلىعىنا سۇيەنىپ, ءوزارا ارالاساتىن كوپشىل قوعام قۇرۋعا ۇلەس قوسۋى كەرەك.
كونفەسسياارالىق جانە وركەنيەتارالىق ديالوگتى دامىتۋ ورتالىعى ادامداردى جاقىنداستىرۋ جولىندا ەلەۋلى جۇمىس اتقارىپ كەلەدى. 2022 جىلدىڭ قىركۇيەگىندە قازاقستاندا وتكەن الەمدىك جانە ءداستۇرلى دىندەر كوشباسشىلارىنىڭ ءVىى سەزى كونفەسسياارالىق ۇندەستىك, جاھاندىق اۋقىمداعى ىنتىماقتاستىقتى دامىتۋداعى ماڭىزدى كەزەڭ بولدى. بۇل مارتەبەلى ءىس-شارا قازىرگى زاماننىڭ وزەكتى ماسەلەلەرىن شەشۋ, تاتۋلىقتا ءومىر ءسۇرۋدىڭ ءتاسىلىن زەرتتەۋگە رۋحاني كوشباسشىلاردى, ىقپالدى ساياسي قايراتكەرلەردى جانە حالىقارالىق ۇيىمداردىڭ وكىلدەرىن جۇمىلدىرادى.
يندۋيزم وكىلى رەتىندە حاتشىلىق پەن جۇمىس توبىنىڭ مۇشەسى بولىپ كونگرەسكە قاتىسۋ جەكە تۇلعا رەتىندە تاجىريبەمدى كەڭەيتتى. مەنىڭ ۇيىمىم – سومايا ۆيدياۆيحار ۋنيۆەرسيتەتى (مۋمباي, ءۇندىستان) قازاقستاننىڭ كونفەسسياارالىق ديالوگ ورتالىعىنىڭ كۇش-جىگەرىن ۇنەمى قولداپ كەلەدى. سومايا ۆيدياۆيحاردىڭ بۇرىنعى ۆيتسە-پرەزيدەنتى, دوكتور شانتيلال سومايا 2003, 2006, 2009 جىلدارى قازاقستان مەملەكەتى ۇيىمداستىرعان الەمدىك جانە ءداستۇرلى دىندەردىڭ حالىقارالىق سەزىنە ءۇندى دەلەگاتسياسىنىڭ جەتەكشىسى رەتىندە شاقىرىلدى.
قازىرگى ۋاقىتتا سومايا ۆيدياۆيحار ۋنيۆەرسيتەتىنىڭ كانتسلەرى سامير سومايا – كونگرەستەگى يندۋيزم دەلەگاتسياسىنىڭ جەتەكشىسى. جاقىندا, 2023 جىلدىڭ 7 تامىزىندا سومايا ۆيدياۆيحار ۋنيۆەرسيتەتى مۋمبايدا قازاقستان تاراپىمەن بىرلەسىپ, جەتىنشى كونگرەسس دەكلاراتسياسىن تالقىلاۋ ماقساتىندا دوڭگەلەك ۇستەل ۇيىمداستىردى. كونفەرەنتسياعا ورتالىقتىڭ توراعاسى بولات سارسەنباەۆ قاتىستى. سونداي-اق كوپتەگەن كورنەكتى عالىم مەن ءدىن كوشباسشىسىنىڭ قاتىسۋىمەن ۇيىمداستىرىلعان بۇل دوڭگەلەك ۇستەل وتە ءساتتى ءوتتى.
رۋدراكشا ساكريكار,
سومايا ۆيدياۆيحار ۋنيۆەرسيتەتىنىڭ كونفەسسياارالىق قاتىناستار جانە ءوزارا تۇسىنىستىك باعدارلاماسىنىڭ حاتشىسى