قازىر گەوساياساتتاعى تەكتونيكالىق مۇددەلەر قاقتىعىسى, وزگەرىستەر بولىپ جاتقان زاماندا مەملەكەتىمىز تەڭگەرمەلى, تەجەمەلى, ەلەپ-ەكشەگەن سىرتقى ساياساتتى جۇرگىزىپ كەلە جاتقانى بەلگىلى. ءبىز جەر قويناۋى شيكىزاتقا دا باي ەلمىز. وندىرىسكە, ەكونوميكاعا قاجەتتى دەگەن ەڭ ماڭىزدى ستراتەگيالىق رەسۋرستاردىڭ بەلگىلى ءبىر بولىگى مەملەكەتىمىزدە شوعىرلانعان.
وسى تەڭگەرمەلى تەجەمەلى, پراگماتيكالىق ساياساتتى جۇرگىزە وتىرىپ, ۇلتتىق مۇددەمىزدى حالىقارالىق ارەنادا ساۋاتتى جۇرگىزە ءبىلۋ ماڭىزدى. ارينە, بۇل رەتتە الەمنىڭ بارشا ەلىمەن قاتار اقش-تىڭ دا وزىندىك ورنى بولەك. دوڭگەلەك ۇستەل باسىنا جيىلىپ, ماسەلەلەردى اشىق ايتۋ, تالقىلاۋ جانە ونى ديپلوماتيالىق جولمەن شەشۋگە ۇمتىلۋ بارلىعىنا ءتيىمدى. سەبەبى جاھاندانۋ زامانىندا بارشا ەلدىڭ ەكونوميكاسى ءوزارا ءبىر-بىرىمەن تىعىز بايلانىستى. ءتىپتى كولىك لوگيستيكاسىنان باستاپ وزگە سەكتورلاردى ءسوز ەتسەك تە, مەملەكەتتەر ءبىر-بىرىمەن ديپلوماتيالىق ارنالار ارقىلى ءتيىمدى ساياسات جۇرگىزۋگە مۇددەلى.
پرەزيدەنت قاسىم-جومارت توقاەۆ جولداۋىندا «كولىك-لوگيستيكا سالاسىن قارقىندى دامىتۋ – ستراتەگيالىق مىندەت. ءۇش جىل ىشىندە ونىڭ ىشكى جالپى ونىمدەگى ۇلەسى كەمىندە 9 پايىزعا جەتۋگە ءتيىس. ول ءۇشىن سالانى ءتيىمدى باسقارۋ وتە ماڭىزدى» دەگەن ەدى. وسىعان وراي مەملەكەت باسشىسىنىڭ اقش-قا ءىسساپارى اياسىندا قتج مەن «Wabtec» كومپانيالارى اراسىندا ستراتەگيالىق ىنتىماقتاستىق تۋرالى نەگىزدەمەلىك كەلىسىمگە قول قويىلدى. وسىلايشا, كولىك-لوگيستيكا سالاسىنا شامامەن 1 ميلليارد دوللار ينۆەستيتسيا تارتىلدى. بۇل – ترانسكاسپي حالىقارالىق كولىك باعدارىن دامىتۋعا ىقپال ەتەدى جانە باسقا دا ينفراقۇرىلىمدىق جوبالار ءۇشىن نەگىز بولادى. وسى سەكىلدى وزگە دە سالالارىمىز بار. ماسەلەن, اۋىل شارۋاشىلىعى, جاساندى ينتەللەكت, ءىت تەحنولوگيا, تاعى باسقالارى.
ءبىزدىڭ العا قويعان ماقساتىمىز ۇلكەن. مىسالى, مەملەكەت باسشىسى جولداۋدا 2026 جىلعا قاراي IT-قىزمەتتەرىنىڭ ەكسپورتىن 1 ملرد دوللارعا دەيىن جەتكىزۋدى تاپسىرعان. ارينە, بۇل سالادا ۇزدىك مەملەكەتتەردىڭ ءبىرى – اقش. ولاردىڭ تەحنولوگياعا باعىتتالعان ۋنيۆەرسيتەتتەرى, بۇل سالاداعى وندىرىستىك بازاسى, عالىمدارى الەمدەگى ەڭ ۇزدىكتەردىڭ ءبىرى دەپ ايتساق بولادى. ەندى الداعى ۋاقىتتا اتالعان باعىتتا ءبىزدىڭ جوعارى وقۋ ورىندارىمىز, كومپانيالارىمىز سەرىكتەستىك ورناتادى دەگەن سەنىم بار. وسىنداي ماسەلەلەردى تالداي كەلە, ەلىمىز كوپۆەكتورلى, تەڭگەرمەلى, تەجەمەلى, پراگماتيكالىق, عىلىمي نەگىزدەلگەن سىرتقى ساياساتىن جۇرگىزە وتىرىپ, مەملەكەتىمىزدىڭ مۇددەسىن ساۋاتتى قورعاپ كەلە جاتىر دەۋگە تولىق نەگىز بار.
باۋىرجان سەرىكباەۆ,
قازاقستان قوعامدىق دامۋ ينستيتۋتىنىڭ ساراپشىسى