«التىن توبىلعى» ادەبي بايقاۋى ۇزدىك جاس اقىندار مەن جازۋشىلاردى انىقتايدى. بۇل يگى ءىس-شارانى نۇرسۇلتان نازارباەۆ قورى ۇيىمداستىرىپ وتىر. ءداستۇرلى بايقاۋ بيىل توعىزىنشى رەت وتەدى. باستى ماقسات – زاماناۋي قازاقستاندىق كوركەم ادەبيەتتى دامىتۋ, جاس قالامگەرلەردى قولداۋ, شىعارماشىلىعىن ناسيحاتتاۋ, دەپ حابارلايدى Egemen.kz.
ادەبي بايقاۋعا 18-35 جاس ارالىعىنداعى جاس قالامگەردىڭ قازاق نەمەسە ورىس تىلدەرىندەگى شىعارماسى قابىلدانادى. اۆتور ەكى نوميناتسياعا قاتىسۋعا قۇقىلى. بايقاۋدىڭ بۇرىنعى جەڭىمپازدارى قاتىستىرىلمايدى. ءبىر اۆتوردان بۇرىن-سوڭدى ەش جەردە جاريالانباعان ەكى شىعارماعا دەيىن قابىلدانادى.
بايقاۋ نوميناتسيالارى:
- «جىلدىڭ ۇزدىك پروزاسى»; - «جىلدىڭ ۇزدىك پوەزياسى»; - «جىلدىڭ ۇزدىك دراماتۋرگياسى»; - «جىلدىڭ بالالارعا ارنالعان ۇزدىك شىعارماسى»; - «جىلدىڭ ۇزدىك كينوستسەناريى»; - «جىلدىڭ ۇزدىك فانتاستيكالىق شىعارماسى»;
قور بيىل ««جاڭا قازاقستاننىڭ جاسامپاز ۇرپاعى» تاقىرىبىنا ارنالعان ۇزدىك ادەبي تۋىندى» ارنايى نوميناتسياسىن دا تاعايىنداعان. جەڭىمپاز «التىن توبىلعى» ادەبي سىيلىعىنىڭ لاۋرەاتى اتانىپ, 2 ملن تەڭگە كولەمىندە اقشالاي سىيلىق الادى. ال ارنايى نوميناتسيا جەڭىمپازىنا 3 ملن تەڭگە بەرىلەدى.
قاتىسۋ ءۇشىن ءوتىنىمدى (شىعارمانى) پوشتا ارقىلى استانا قالاسى, ءا.بوكەيحان كوشەسى, 1ا, نۇرسۇلتان نازارباەۆ قورىنا نەمەسە at2022@fnn.kz ەلەكتروندىق مەكەنجايىنا جىبەرۋ كەرەك. ءوتىنىم 30 قازانعا دەيىن قابىلدانادى.
تولىق اقپاراتتى fnn.kz سايتىنان نەمەسە 8 (7212) 767012 تەلەفون ءنومىرى ارقىلى بىلۋگە بولادى.