اتىراۋ وبلىسىندا مەكتەپكە دەيىنگى ءبىلىم بەرۋ ۇيىمدارىنىڭ 51 قىزمەتكەرى مەن ورتا ءبىلىم بەرۋ ۇيىمدارىنىڭ 30 قىزمەتكەرى جالعان ديپلوممەن جۇمىس ىستەگەن, دەپ حابارلايدى Egemen.kz.
«سىبايلاس جەمقورلىق تاۋەكەلدەرىنە سىرتقى تالداۋ جۇرگىزۋ بارىسىندا دەپارتامەنت قىزمەتكەرلەرى سىبايلاس جەمقورلىق بەلگىلەرى بار ىستەردى انىقتادى. مىسالى, مەكتەپتەردە «قايتىس بولعان جانداردىڭ» جۇمىس ىستەۋى, قىزمەتكەرلەر مەن وقۋشىلار سانى بىردەي مەكتەپتەردى ءارتۇرلى قارجىلاندىرۋ, ءبىر ادامنىڭ ءبىر ۋاقىتتا 4-5 مەكەمەدە جۇمىس ىستەۋى, كەيبىر ءبىلىم بەرۋ ۇيىمدارىنىڭ باسشىلارى لاۋازىمدىق جالاقىلارىنان باسقا ۇستەمە جالاقى الىپ وتىرۋى», دەدى اتىراۋ وبلىسىنىڭ سىبايلاس جەمقورلىققا قارسى قىزمەتىنىڭ پرەۆەنتسيا باسقارماسىنىڭ باسشىسى جانىبەك قاراجانوۆ.
اتالعان زاڭسىز ارەكەتتەردى جويۋ ءۇشىن وبلىستىق ءبىلىم باسقارماسىنا دەپارتامەنت ازىرلەگەن 26 ۇسىنىس جولدانعان.