الماتى وبلىسىنىڭ قۇتقارۋشىلارى شارىن شاتقالىندا رەسەي ازاماتىن قۇتقاردى, دەپ حابارلايدى Egemen.kz.
20 تامىزدا تۇنگى ساعات 02:00-دەن باستاپ الماتى وبلىستىق توتەنشە جاعدايلار دەپارتامەنتى جەدەل-قۇتقارۋ جاساعى قۇتقارۋشىلارى 1990 جىلى تۋعان رەسەي ازاماتىن جارتاستان ەۆاكۋاتسيالادى.
«ايەل ادام ۇيعىر اۋدانىندا شارىن شاتقالىنداعى (قىزىل جارتاستار) جارتاستان 500 مەتر قاشىقتىققا دومالاپ كەتكەن, وزدىگىنەن كوتەرىلە الماعان. ول وندا 19 تامىز كۇنى ساعات 18:00 شاماسىندا الماتىداعى دوستارىمەن بارعان», دەلىنگەن الماتى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلاماسىندا.