ازەربايجان استاناسى باكۋدە ISSF اياسىندا وق جانە ستەند اتۋدان 53-ءشى ليتسەنزياعا الەم چەمپيوناتى ءوتىپ جاتىر. وعان قازاقستان قۇراماسى دا قاتىسادى, دەپ حابارلايدى Egemen.kz.
سايىسقا الەمنىڭ 100 ەلىنەن 1 500-دەن استام سپورتشى قاتىسىپ جاتىر. ونىڭ اراسىندا قازاقستان اتىنان 50 مىقتى مەرگەن بار.
قورعانىس مينيسترلىگى سپورت كوميتەتىنىڭ شتاتتىق كوماندالارىن دايارلاۋ ورتالىعىنىڭ سپورتشى-نۇسقاۋشىسى قر قارۋلى كۇشتەرىنىڭ قىزمەتشىسى يسلام ساتباەۆ ەرلەر اراسىندا «10 م-دەن پنەۆماتيكالىق مىلتىقتان وق اتۋ» جاتتىعۋىنىڭ فينالىندا ءتورتىنشى ورىنعا يە بولىپ, وليمپياداعا ليتسەنزيا الدى. بۇل جاتتىعۋدا شۆەد اتقىشى ۆيكتور ليندگرەن (251,3 ۇپاي) جەڭىمپاز اتانسا, قىتايلىق حاوران يان (250 ۇپاي) كۇمىس جۇلدەگە, چەح اتقىشى فرانتيشەك سمەتانا 227,5 ۇپايمەن قولاعا يە بولدى.