كەزدەسۋ بارىسىندا اسقار جۇمادىلداەۆ ۇلتتىق عىلىم اكادەمياسىنىڭ سوڭعى ءۇش ايدا اتقارعان جۇمىستارى تۋرالى بايانداپ, وتاندىق عىلىمدى دامىتۋعا قاتىستى ۇسىنىستارىن جەتكىزدى, دەپ حابارلايدى Egemen.kz
سونىمەن قاتار اكادەميك قازاق ءتىلىن لاتىن گرافيكاسىنا كوشىرۋ جونىندە وي-پىكىرىن ءبىلدىردى.مەملەكەت باسشىسى عالىمنىڭ ايتقان بارلىق ۇسىنىستارى قاراستىرىلاتىنىن جانە ۇكىمەتكە ءتيىستى تاپسىرما بەرىلەتىنىن ايتتى.
پرەزيدەنتتىڭ پىكىرىنشە, عىلىمي-اكادەميالىق قوعامداستىق ەلىمىزدە جاراتىلىستانۋ, ينجەنەرلىك-تەحنولوگيالىق باعىتتاعى ىرگەلى عىلىمي ورتالىقتاردىڭ پايدا بولۋىنا, زەرتتەۋ جۇمىستارىن جەتىلدىرۋگە, ەلىمىزدىڭ الەۋمەتتىك-ەكونوميكالىق دامۋىنا قاتىستى عىلىمعا نەگىزدەلگەن ۇسىنىمدار بەرۋگە ۇيىتقى بولۋعا تيىس.قاسىم-جومارت توقاەۆ اكادەميك اسقار جۇمادىلداەۆتىڭ قوعامداعى ابىروي-بەدەلى زور ەكەنىن اتاپ ءوتىپ, ونىڭ ۇلتتىق عىلىم اكادەمياسىنداعى جاۋاپتى جۇمىسىنا تابىس تىلەدى.