پارلامەنت سەناتىنىڭ دەپۋتاتى ساعىندىق لۇقپانوۆ اتىراۋ وبلىسىنا جۇمىس ساپارىمەن باردى. سەناتور جەرگىلىكتى تۇرعىندارمەن, وبلىستىق جانە قالالىق ءماسليحاتتاردىڭ, اۋماقتىق پوليتسيا دەپارتامەنتتەرىنىڭ, ۇقك شەكارا قىزمەتىنىڭ وكىلدەرىمەن, وبلىستىق قوعامدىق كەڭەس مۇشەلەرىمەن كەزدەستى.
كەزدەسۋگە قاتىسۋشىلار دەنساۋلىق ساقتاۋ جۇيەسى, جول, ەكولوگيا, ءوڭىردى اۋىز سۋمەن قامتاماسىز ەتۋ جانە ەاەو ەلدەرىنەن ساتىپ الىنعان شەتەلدىك ءنومىرى بار اۆتوموبيلدەردى زاڭداستىرۋ ماسەلەلەرىن تالقىلادى.
سەناتور مەملەكەت باسشىسى «ادىلەتتى مەملەكەت. ءبىرتۇتاس ۇلت. بەرەكەلى قوعام» قازاقستان حالقىنا جولداۋىندا ەلىمىزگە 2022 جىلدىڭ 1 قىركۇيەگىنە دەيىن اكەلىنگەن, ەل زاڭناماسىنا سايكەس مەملەكەتتىك تىركەۋدەن وتپەگەن شەتەلدىك اۆتوموبيلدەردى بىرجولعى زاڭداستىرۋدى تاپسىرعانىن اتاپ ءوتتى.
دەپۋتات سونىمەن قاتار پالاتا قىزمەتىنىڭ قورىتىندىلارى تۋرالى حاباردار ەتتى, وتكەن سەسسيا بارىسىندا قابىلدانعان زاڭدارداعى نەگىزگى جاڭالىقتاردى كەزدەسۋ قاتىسۋشىلارىنا جان-جاقتى ءتۇسىندىرىپ بەردى.
* * *
سەناتور سۇلتانبەك ماكەجانوۆ الماتىداعى «№5 قالالىق كلينيكالىق اۋرۋحانادا» بولىپ, مەكەمەدەگى دارىگەر قىزمەتكەرلەرمەن كەزدەستى.
ساپار بارىسىندا دارىگەرلەر قاۋىمى اۋرۋحانادا جاسالاتىن ەم-دوم شارالارى مەن كورسەتىلەتىن مەديتسينالىق قىزمەتتەردىڭ قازىرگى جاعدايى مەن تيىمدىلىگى, مەديتسينا قىزمەتكەرلەرىنە ءتيىستى جاعداي جاساۋ, دەنساۋلىق ساقتاۋ سالاسىندا كورسەتىلەتىن مەملەكەتتىك قىزمەت تۋرالى سەناتورعا ايتىپ بەردى.
«وسىندا كورسەتىلەتىن مەديتسينالىق قىزمەتتەردى جاقسارتۋ جۇمىستارى – مەديتسينا قىزمەتكەرلەرىنە ءتيىستى جاعداي جاساۋ مەن جالاقىسىن ارتتىرۋدا نەگىزگى باعىتتاردىڭ ءبىرى. بۇل ماسەلە ەلىمىزدىڭ دەپۋتاتتىق كورپۋسىنىڭ نازارىندا», دەدى سۇلتانبەك ماكەجانوۆ.
دەپۋتات سونىمەن قاتار ەلىمىزدىڭ بۇدان بىلايعى الەۋمەتتىك-ەكونوميكالىق دامۋى مەن حالىقتىڭ تابىسىن ارتتىرۋعا باعىتتالعان پارلامەنت سەناتىنداعى زاڭ شىعارۋ جۇمىسى تۋرالى كەزدەسۋگە قاتىسۋشىلارعا ايتىپ بەردى.
* * *
سەنات دەپۋتاتتارى ولگا بۋلاۆكينا مەن شاكارىم بۇقتۇعۇتوۆ ريددەر قالاسىندا بولىپ, كەزدەسۋلەر وتكىزدى.
سەناتورلار ساپار بارىسىندا ريددەردەگى جىلۋ ەنەرگەتيكا ورتالىعىنىڭ جۇمىسىمەن تانىستى, قالا تۇرعىندارىمەن جۇزدەستى. جۇزدەسۋگە قاتىسۋشىلار وسكەمەن-ريددەر اۆتوموبيل جولىن جوندەۋ, جەو-عا ارنالعان جابدىقتار شىعاراتىن زاۋىت سالۋ, تەمىرجول جولاۋشىلارى قاتىناسىن قالپىنا كەلتىرۋ جانە شاڭعى جارىسىنا ارنالعان ارنايى جول سالۋ ماسەلەلەرىن تالقىلادى.
دەپۋتاتتار سونىمەن قاتار جاڭا اۋرۋحانا كەشەنىنىڭ قۇرىلىس الاڭىندا بولدى. قالالىق اۋرۋحانا وكىلدەرى كەشەندى دامىتۋ جونىندەگى كەلەشەك جوسپارمەن دەپۋتاتتاردى تانىستىردى.
* * *
سەنات دەپۋتاتى الىبەك ناۋتيەۆ اتىراۋ وبلىسىنىڭ قىزىلقوعا اۋدانىنداعى ساعىز ەلدى مەكەنىندە بولدى. وڭىرگە ارنايى كەلگەن دەپۋتات الەۋمەتتىك نىسانداردىڭ جۇمىسىمەن تانىسىپ, جۇرتشىلىقپەن جۇزدەستى.
كەزدەسۋگە قاتىسۋشىلار اۋىل تۇرعىندارىن اۋىز سۋمەن جابدىقتاۋ, ەمحانا قۇرىلىسى, تەمىرجول وتكەلى, اينالما جولعا كوپىر سالۋ, ەلەكتر ەنەرگياسىمەن قامتاماسىز ەتۋ ماسەلەلەرىن تالقىلادى.
سەناتور ميالى اۋىلىنا ساپارى بارىسىندا اۋدان اكىمىمەن, اۋداندىق ءماسليحات دەپۋتاتتارىمەن, قوعامدىق كەڭەس مۇشەلەرىمەن, قوعام بەلسەندىلەرمەن كەزدەستى.
مۇنداعى جۇزدەسۋ بارىسىندا اۋداندىق اسكەري كوميسسارياتتىڭ ءىسساپار شىعىندارىن وتەۋ, كولىكپەن قامتاماسىز ەتۋ, كوكتەمگى سۋ تاسقىنى كەزىندە زارداپ شەككەن جول مەن گاز قۇبىرىن قالپىنا كەلتىرۋ, سونداي-اق تايسويعان ەلدى مەكەنىندە جول سالۋ ماسەلەلەرى كوتەرىلدى.