مەملەكەتتىك كەڭەسشى ەرلان قاريننىڭ توراعالىعىمەن ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ كەزەكتى وتىرىسى ءوتتى.
وتىرىستا مەملەكەتتىك كوميسسيانىڭ عىلىمي جəنە باسپا قىزمەتىنىڭ نəتيجەلەرى قارالدى, ارحيۆتەردەگى زەرتتەۋلەردەن جينالعان ماتەريالدار زەردەلەندى, ەلەكتروندىق پورتالدىڭ جۇمىسى تۋرالى اقپارات بەرىلدى. سونداي-اق وڭىرلىك كوميسسيالاردىڭ جۇمىسى تۋرالى ەسەپ تىڭدالىپ, ولاردىڭ عىلىمي جيناقتارىن دايىنداۋ جونىندەگى جوبالاردىڭ ىسكە اسىرىلۋ بارىسى قارالدى.
جيىندا سونىمەن قاتار مەملەكەتتىك كوميسسيا مۇشەلەرى ارحيۆتەردە جۇرگىزىلگەن زەرتتەۋ جۇمىستارى بارىسىندا تابىلعان, جازۋشى ءəرى اقىن جۇسىپبەك ايماۋىتوۆ جازدى دەلىنگەن ء«Əزىر ولمەيمىن» («تەز ولمەن») شىعارماسىن تانىستىردى. شىعارما پرەزيدەنت ءارحيۆىنىڭ عىلىمي-ىزدەستىرۋ جۇمىستارى كەزىندە تابىلعان بولاتىن. پرەزيدەنت ءارحيۆىنىڭ ديرەكتورى Ə.مۇستافينا شىعارمانىڭ قالاي تابىلعانى جəنە وعان جۇرگىزىلگەن زەرتتەۋ جۇمىستارى جايىن دا ايتتى. اتالعان شىعارمانى فيلولوگتار مەن əدەبيەتتانۋشىلار تاعى دا زەرتتەمەك.
وتىرىس قورىتىندىسى بويىنشا عىلىمي زەرتتەۋ قىزمەتىن جالعاستىرۋعا, وڭىرلىك كوميسسيالاردىڭ ماتەريالدارىن شىعارۋدى جۇيەلەندىرۋگە, جابىق قورلاردىڭ ماتەريالدارىن تسيفرلاندىرۋ جəنە قۇپياسىزداندىرۋ جونىندەگى جۇمىستى قامتاماسىز ەتۋگە باعىتتالعان تاپسىرما بەرىلدى.