قازاقستان اۋىر اتلەتيكا فەدەراتسياسى ۆلاديمير سەدوۆتىڭ ومىردەن وتۋىنە بايلانىستى كوڭىل ايتىپ, وتباسىنا قارجىلاي كومەك كورسەتىلەتىنىن جەتكىزدى, دەپ حابارلايدى Egemen.kz.
قازاقستان اۋىر اتلەتيكا فەدەراتسياسىنان مالىمدەمەسىندە, ەلىمىزدىڭ ەڭبەك سىڭىرگەن سپورت شەبەرى, حالىقارالىق دارەجەدەگى سپورت شەبەرى, قازاقستاننىڭ بىرنەشە دۇركىن چەمپيونى جانە رەكوردشىسى ۆلاديمير سەدوۆ بالا جاسىنان سپورتقا ادال بولدى.
2008 جىلعى وليمپيادادا 84 كەلىگە دەيىنگى سالماقتا ۆلاديمير سەدوۆ ءتورتىنشى ورىنعا يە بولدى.
سونىمەن قاتار جەتىستىكتەرى ءۇشىن «قۇرمەت» وردەنىمەن ماراپاتتالدى.
«قر اۋىر اتلەتيكا فەدەراتسياسىنىڭ ۇجىمى ءۆلاديميردىڭ وتباسى مەن تۋعان-تۋىستارىنا قايعىرا كوڭىل ايتادى. جولداسىمىزدىڭ قازاسىنا بايلانىستى قايعىعا ورتاقپىز. قازاقستان اۋىر اتلەتيكا فەدەراتسياسى ۆلاديمير سەدوۆتىڭ وتباسىنا 5 ملن تەڭگە كولەمىندە كومەك بەرەدى, سونداي-اق ۇلىن تاربيەلەۋگە قاجەتتى قولداۋ كورسەتەدى.
سوڭعى جىلدارداعى قايعىلى وقيعالار سپورتشىلاردىڭ ۇلكەن سپورتپەن قوش ايتىسقاننان كەيىن قيىندىقتارعا تاپ بولاتىنىن كورسەتەدى. فەدەراتسيا سپورت ارداگەرلەرىن قولداۋ باعدارلاماسىن جاساپ, جۇرتشىلىققا ۇسىناتىن بولادى. سونىڭ اياسىندا كومەككە مۇقتاج اۋىر اتلەتتەرگە قولداۋ كورسەتىلەدى. اتلەتتەر مەن باپكەرلەردى قولداۋ ءۇشىن فەدەراتسيا بيىل تارتىلعان دەمەۋشىلىك قارجى ەسەبىنەن 10 ملن تەڭگە بولەتىن بولادى», دەلىنگەن حابارلامادا.
ەسكە سالا كەتەيىك, اۋىر اتلەتيكادان ءتورت دۇركىن ەل چەمپيونى ۆلاديمير سەدوۆ 27 ماۋسىم كۇنى 35 جاسىندا ومىردەن ءوتتى.