اقتوبە قالاسىندا ەكى ءجاسوسپىرىم سۋعا باتىپ كەتتى. ولار تىيىم سالىنعان جەردە سۋعا شومىلعان, دەپ حابارلايدى Egemen.kz.
جەرگىلىكتى توتەنشە جاعدايلار دەپارتامەنتىنىڭ مالىمەتىنشە, الماتى اۋدانى اقتوبە فەرروقورىتپا زاۋىتى اۋماعىنداعى كوپىر ماڭىندا 2 ءجاسوسپىرىم سۋعا باتىپ كەتكەن. ولار تىيىم سالىنعان اۋماقتا شومىلعان.
«قۇتقارۋشىلار وقيعا ورنىنا جەتكەن كەزدە 3 بوزبالانى اعىس الىپ كەتكەنى بەلگىلى بولدى. بىرەۋى ءوز كۇشىمەن جاعاعا شىققان. ال 16 جاستاعى ەكى ءجاسوسپىرىم ءجۇزۋ بىلمەگەن. سۇڭگۋىرلەر ساعات 16:30-دا جاعادان 100 مەتر, تەرەڭدىگى 3,5 مەتر بولاتىن جەردەن جاسوسپىرىمدەردىڭ ءمايىتىن شىعاردى», دەپ حابارلادى وبلىستىق تجد ءباسپاسوز قىزمەتى.