تۇركيانىڭ انتاليا قالاسىندا 40-شى بالقان ماتەماتيكالىق وليمپياداسى اياقتالدى. وعان بالقان تۇبەگىنىڭ 22 ەلىنەن جانە باسقا دا مەملەكەتتەردەن 130-دان استام وقۋشى قاتىستى, دەپ حابارلايدى Egemen.kz قر وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
وليمپيادا قورىتىندىسى بويىنشا قازاقستان نامىسىن قورعاعان 6 وقۋشى مەدالعا يە بولدى.
ولار:
بايشۋاق رايىمبەك – الماتى ق. رەسپۋبليكالىق فيزيكا-ماتەماتيكالىق مەكتەبىنىڭ 11 سىنىپ وقۋشىسى; ميرون يۋركەۆيچ - الماتى ق. رەسپۋبليكالىق فيزيكا-ماتەماتيكالىق مەكتەبىنىڭ 10 سىنىپ وقۋشىسى; جان ءداۋىتوۆ – قوستاناي وبلىسى ء«بىلىم-يننوۆاتسيا» مەكتەپ-ليتسەيىنىڭ 10 سىنىپ وقۋشىسى; مارعۇلان شارەل – جامبىل وبلىستىق دارىندى ەر بالالارعا ارنالعان مامانداندىرىلعان ء«بىلىم-يننوۆاتسيا» ليتسەيىنىڭ 10 سىنىپ وقۋشىسى; مۇحاممەد ناعاشىبەك – استانا ق. «NURORDA» مەكتەپ-ليتسەيىنىڭ 11 سىنىپ وقۋشىسى; ۆلاديمير روگوۆسكي – پاۆلودار قالاسىنىڭ دارىندى بالالارعا ارنالعان №8 مەكتەپ-ليتسەيىنىڭ 10 سىنىپ وقۋشىسى.ايتا كەتەيىك, 40-شى بالقان ماتەماتيكالىق وليمپياداسىنىڭ ماقساتى – ماتەماتيكا پانىنەن دارىندى وقۋشىلاردى ىنتالاندىرۋ جانە دامىتۋ, قاتىسۋشى ەلدەر اراسىندا مەكتەپ باعدارلامالارى مەن تاجىريبەلەرى تۋرالى اقپارات الماسۋ ءۇشىن ىڭعايلى مۇمكىندىكتەر جاساۋ.