2014 جىلعى 10 قاڭتار, استانا قالاسى
«قازاقستان رەسپۋبليكاسىنىڭ حالقىنا ونكولوگيالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتى تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 12 تامىزداعى №540 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 32-بابىنىڭ 3-تارماعىنىڭ 1) تارماقشاسىنا سايكەس جانە قازاقستان رەسپۋبليكاسىنىڭ حالقىنا ونكولوگيالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتىن ودان ءارى جەتىلدىرۋ ماقساتىندا بۇيىرامىن:
1. «قازاقستان رەسپۋبليكاسىنىڭ حالقىنا ونكولوگيالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتى تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 12 تامىزداعى №540 بۇيرىعىنا («زاڭ گازەتى» گازەتىندە 2011 جىلعى 8 جەلتوقسانداعى № 181 (1997) جاريالانعان, نورماتيۆتىك قۇقىقتىق اكتىلەردە مەملەكەتتىك تىركەۋ تىزىلىمىندە № 7198 تىركەلگەن) مىناداي وزگەرىستەر مەن تولىقتىرۋلار ەنگىزىلسىن:
قازاقستان رەسپۋبليكاسىنىڭ حالقىنا ونكولوگيالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتى تۋرالى ەرەجەدە:
9-تارماقتىڭ 3)-تارماقشاسى كەلەسى رەداكتسيادا جازىلسىن:
«3) ولارعا جۇكتەلگەن فۋنكتسيالارعا قاراي ولاردىڭ قۇرىلىمىندا مىنالار ۇيىمداستىرىلاتىن مەديتسينالىق ۇيىمدار:
ساۋلەلىك تەراپياسى بولىمشەسى (راديولوگيالىق بولىمشە) قازورعزي, كەمىندە 100 توسەك توسەكتىك قورىمەن ونكولوگيالىق ديسپانسەردىڭ, كوپ بەيىندى اۋرۋحانانىڭ (وبلىستىق, قالالىق) قۇرامىندا ۇيىمداستىرىلادى. قاشىقتىقتان جانە ساۋلەمەن تۇيىستىرە ەمدەۋ ءۇشىن ءتورت جانە ودان دا كوپ قوندىرعى بولعان جاعدايدا جانە كەمىندە 120 ناۋقاسقا كۇندەلىكتى ساۋلەمەن ەمدەۋ جۇرگىزۋ ءۇشىن ساۋلەلىك تەراپيا بولىمشەلەرىن بىرىكتىرەتىن راديولوگيالىق بولىمشە قۇرىلادى;
حيميوتەراپيالىق بولىمشە قازورعزي, ونكولوگيالىق ديسپانسەرلەردىڭ, كوپ بەيىندى اۋرۋحانانىڭ (وبلىستىق, قالالىق) قۇرامىندا ۇيىمداستىرىلادى. وڭىرلىك مامانداندىرىلعان كونسۋلتاتسيالىق-دياگنوستيكالىق بولىمشە (بۇدان ءارى - مكدب) وبلىستىق, وڭىرلىك, قالالىق ونكولوگيالىق ۇيىمداردىڭ قۇرامىندا قۇرىلادى;
ونكولوگيالىق ناۋقاستاردى قالپىنا كەلتىرۋ ەمى مەن وڭالتۋ بولىمشەسى (كابينەتى) (بۇدان ءارى – بولىمشە) ونكولوگيالىق ۇيىمنىڭ, كوپ بەيىندى اۋرۋحانانىڭ (ەرەسەكتەر, بالالار), امبۋلاتوريالىق-ەمحانالىق ۇيىمنىڭ قۇرامىندا ۇيىمداستىرىلادى;
يادرولىق مەديتسينا (ورتالىعى) بولىمشەسى (بۇدان ءارى – يامو) قازورعزي, ونكولوگيالىق ديسپانسەرلەردىڭ, رەسپۋبليكالىق ماڭىزى بار وبلىستىق ورتالىقتاردا جانە قالالارداعى دياگنوستيكالىق ورتالىقتاردىڭ قۇرامىندا, سونداي-اق دەربەس زاڭدى تۇلعا رەتىندە قۇرىلادى.
پاللياتيۆتىك كومەك كورسەتۋ بولىمشەسى (ورتالىعى) ونكولوگيالىق ديسپانسەردىڭ, كوپ بەيىندى اۋرۋحانانىڭ (ەرەسەكتەر, بالالار) قۇرامىندا, سونداي-اق دەربەس زاڭدى تۇلعا رەتىندە قۇرىلادى;
تسيتولوگيالىق زەرتحانا ونكولوگيالىق ديسپانسەرلەر مەن كوپ بەيىندى اۋرۋحانالاردىڭ قۇرامىندا قۇرىلادى;
ەندوسكوپيالىق بولىمشە (كابينەت) قازورعزي, ونكولوگيالىق ديسپانسەردىڭ, 100 جانە ودان دا كوپ توسەگى بار كوپ بەيىندى اۋرۋحانانىڭ (وبلىستىق, قالالىق, اۋداندىق) قۇرامىندا 50 جانە ودان دا كوپ مىڭ حالىققا قىزمەت كورسەتەتىن امبۋلاتوريالىق-ەمحانالىق ۇيىمنىڭ قۇرامىندا ۇيىمداستىرىلادى;
ونكولوگيالىق كابينەت ەمحانالاردىڭ (قالالىق, اۋداندىق), كونسۋلتاتسيالىق-دياگنوستيكالىق ورتالىقتارىنىڭ, كوپ بەيىندى اۋرۋحانالاردىڭ كونسۋلتاتسيالىق-دياگنوستيكالىق بولىمشەلەرىنىڭ قۇرامىندا ۇيىمداستىرىلادى;
ماممولوگيالىق كابينەت بەكىتىلگەن شتات نورماتيۆتەرىنە سايكەس كوپ باعدارلى اۋرۋحانانىڭ كونسۋلتاتسيالىق-دياگنوستيكالىق ەمحاناسىنىڭ (ورتالىعى), كونسۋلتاتسيالىق-دياگنوستيكالىق بولىمشەنىڭ قۇرىلىمىندا قۇرىلادى;
پروكتولوگيالىق كابينەت (قالالىق,اۋداندىق) كونسۋلتاتسيالىق-دياگنوستيكالىق ورتالىقتارىندا, كوپ بەيىندى اۋرۋحانالاردىڭ كونسۋلتاتسيالىق-دياگنوستيكالىق بولىمشەلەرىنىڭ قۇرامىندا ۇيىمداستىرىلادى;
ايەلدەر مەن ەرلەردى قاراۋ كابينەتى بمسك ۇيىمنىڭ قۇرامىندا قۇرىلادى;
اۋىرسىنۋعا قارسى تەراپيا كابينەتى ونكولوگيالىق ديسپانسەردىڭ, دەربەس ەمحانالىق ۇيىمداردىڭ قۇرامىندا ۇيىمداستىرىلادى;
از بەيىندى بولىمشەلەر (باس پەن مويىن ىسىكتەرى, ۋرولوگيالىق جانە ت.ب.) 200 دەن استام توسەگى بار ونكولوگيالىق ۇيىمداردا قۇرىلادى;
تسيتوستاتيكالىق دارىلىك زاتتاردى ورتالىقتاندىرىلعان ەرىتۋ كابينەتى.»;
مىناداي مازمۇنداعى 16 جانە 17-بولىمدەرمەن تولىقتىرىلسىن:
16. تسيتوستاتيكالىق دارىلىك زاتتاردى ورتالىقتاندىرىلعان ەرىتۋ كابينەتى
73. تسيتوستاتيكالىق دارىلىك زاتتاردى ورتالىقتاندىرىلعان ەرىتۋ كابينەتى (بۇدان ءارى - تسدزوەك) تسيتوستاتيكالىق دارىلىك زاتتاردى ءتيىمدى پايدالانۋ جانە مەديتسينا قىزمەتكەرلەرىنىڭ ولاردىڭ ۋىتتى اسەرىن تومەندەتۋ ارقىلى قاۋىپسىزدىگىن قامتاماسىز ەتۋگە ارنالعان.
74. تسدزوك-ءنىڭ نەگىزگى مىندەتتەرى:
1) ونكولوگيالىق ۇيىمداردىڭ كلينيكالىق بولىمشەلەرىن تسيتوستاتيكتەردى ەرىتۋگە ارنالعان وتىنىمدەرگە سايكەس ورتالىقتاندىرىلعان ەرىتۋ جولىمەن ازىرلەنگەن تسيتوستاتيكالىق دارىلىك زاتتارمەن قامتاماسىز ەتۋ (بۇدان ءارى – تسيتوستاتيكتەر);
2) كۇن سايىن كلينيكالىق بولىمشەلەردەن تسيتوستاتيكتەردى ەرىتۋگە ارنالعان وتىنىمدەردى قابىلداۋ;
3) وتىنىمدەردى تىركەۋ جۋرنالىندا تىركەۋ ءنومىرىن بەرۋ ارقىلى تسيتوستاتيكتەردى ەرىتۋگە ارنالعان وتىنىمدەردى تىركەۋ;
4) ۇسىنىلعان وتىنىمدەرگە سايكەس ەرىتۋگە قاجەتتى تسيتوستاتيكتەر سانىن ەسەپتەۋ;
5) تسيتوستاتيكالىق دارىلىك زاتتاردى ەرىتۋ وتىنىمدەرىنە سايكەس تسيتوستاتيكتەردىڭ كونتسەنتراتسياسىن ەسەپتەۋ;
6) تسدزوك-نىڭ سانيتاريالىق جاعدايىن جانە تارتپالى شكافتىڭ (لاميناردىڭ) جۇمىسىن كۇن سايىن باقىلاۋ;
7) سانيتاريالىق-ەپيدەميولوگيالىق تالاپتارعا سايكەس تسيتوستاتيكتەردى ۋاقتىسىندا جانە ساپالى ەرىتۋ;
8) كۇن سايىن تسيتوستاتيكتەردى ەرىتۋگە جانە تسيتوستاتيكالىق دارىلىك زاتتاردى ەرىتۋ وتىنىمدەرىندە كورسەتىلگەن دوزالارعا سايكەستىگىن باقىلاۋ;
9) ەرىتىلگەن تسيتوستاتيكتەردى ءبىر رەتتىك گەرمەتيكالىق پاكەتتەرگە وراۋ;
10) ەرىتىلگەن تسيتوستاتيكتەردى تاسىمالداۋ;
11) تسدزوك-داعى تسيتوستاتيكتەردىڭ تيىسىنشە ساقتالۋىن كۇن سايىن باقىلاۋ (بولمە مەن توڭازىتقىشتىڭ تەمپەراتۋرالىق ءتارتىبىن باقىلاۋ);
12) بەلگىلەنگەن ەسەپتەۋ-ەسەپ بەرۋ مەديتسينالىق قۇجاتتاماسىن جۇرگىزۋ بولىپ تابىلادى.
76. تسدزوك-دا مىناداي مەديتسينالىق قۇجاتتامالار جۇرگىزىلەدى:
1) تسيتوستاتيكتەردى ەسەپتەۋ جۋرنالى;
2) تسدزوك-دا تسيتوستاتيكتەردى ەرىتۋ وتىنىمدەرىن تىركەۋ جۋرنالى;
3) تسدزوك-نى كۆارتستاۋ جۋرنالى;
4) كلينيكالىق بولىمشەلەردەگى تسيتوستاتيكتەردى ەرىتۋ وتىنىمدەرىن تىركەۋ جۋرنالى;
5) تسدزوك تەمپەراتۋرالىق ءتارتىبىن ەسەپتەۋ جۋرنالى.
77. ەرىتىلگەن تسيتوستاتيكتەردى كلينيكالىق بولىمشەلەرگە جەتكىزۋ تاسىمالداۋعا ارنالعان كونتەينەرلەردە جۇزەگە اسىرىلادى.
78. تسدزوك-گىنىڭ تسيتوستاتيكتەردى ەرىتۋ جۇمىسى اۋىسىم بويىنشا ۇيىمداستىرىلادى.
79. تسدزوك مەديتسينا قىزمەتكەرلەرىنىڭ شتات سانى قولدانىستاعى شتات نورماتيۆتەرىنە سايكەس جانە ناقتى جۇمىس كولەمىنە قاراي بەلگىلەنەدى. ءبىر لامينارلىق بوكستاعى جۇمىستى 2 مەديتسينا مەيىرگەرى نەمەسە 2 فارماتسەۆت جۇزەگە اسىرادى.
80. تسيتوستاتيكتەردى ەرىتۋدىڭ دۇرىستىعىن باقىلاۋدى جانە ەسەپتەۋ-ەسەپ بەرۋ مەديتسينالىق قۇجاتتاماسىن جۇرگىزۋدى تسدزوك مەڭگەرۋشىسى جۇزەگە اسىرادى.
81. تسدزوك مەڭگەرۋشىسى لاۋازىمىنا تسيتوستاتيكتەرمەن جۇمىس ىستەۋ بويىنشا كەمىندە 5 جىلدان كەم ەمەس جۇمىس تاجىريبەسى بار كلينيكالىق فارماكولوگ نەمەسە حيميوتەراپەۆت دارىگەر تاعايىندالادى.
82. تسدزوك جۇمىس ايماعىنا جانە سانيتاريالىق وتكىزۋ ايماعىنا بولىنەدى. سانيتاريالىق وتكىزۋ ايماعى قولدى وڭدەۋگە جانە جەكە قورعانىس قۇرالدارىن كيۋگە ارنالعان ء(بىر رەتتىك كومبينەزون نەمەسە حالات, ارنايى اياق كيىم, رەسپيراتورلىق بەتپەردە, قورعانىس قولعاپتارى, جاناما قورعانىسقا يە جانە ادەتتەگى كوزىلدىرىكتىڭ ۇستىنەن كيۋگە ارنالعان قورعانىس كوزىلدىرىكتەرى, ءبىر رەتتىك سۇلگىلەر ( تسەلليۋلوزادان).
83. تسدزوك جابدىقتارمەن جانە مەديتسينالىق ماقساتتاعى جاراقتاندىرۋ وسى ەرەجەگە 4- قوسىمشاعا سايكەس تسيتوستاتيكالىق دارىلىك زاتتاردى ورتالىقتاندىرىلعان ەرىتۋ كابينەتىن ماتەريالدىق-تەحنيكالىق جاراقتاندىرۋ تىزبەسىنە سايكەس جۇزەگە اسىرىلادى.
84. وسى ەرەجەگە 5- قوسىمشادا تسدزوك-مەن كلينيكالىق بولىمشەلەردىڭ ءوزارا ءىس-قيمىل الگوريتمى كەلتىرىلگەن.
17. مۋلتيديستسيپلينارلىق توپ
85. مۋلتيديستسيپلينارلىق توپ – ونكولوگيالىق كومەك كورسەتۋگە قاتىسۋشى جانە جالپى ماقساتتارمەن جانە مىندەتتەرمەن بىرلەسكەن مەديتسينالىق جانە مەديتسينالىق ەمەس بەيىندەگى ماماندار توبى (بۇدان ءارى - مدت).
86. مدت ماقساتى ونكولوگيالىق ناۋقاستاردى دياگنوستيكالاۋ, ەمدەۋ, ديسپانسەرلىك باقىلاۋ جانە وڭالتۋ ماسەلەلەرىندە مۋلتيديستسيپلينارلىق جانە بيوپسيحوالەۋمەتتىك تاسىلدەردى قولدانۋ ارقىلى ونكولوگيالىق ناۋقاستارعا مەديتسينالىق, مەديتسينالىق-الەۋمەتتىك كومەك كورسەتۋدى جاقسارتۋ بولىپ تابىلادى.
87. بيوپسيحوالەۋمەتتىك ءتاسىل – دياگنوستيكالىق, ەمدەۋ, وڭالتۋ تەحنولوگيالارىن پايدالانۋ ارقىلى پاتسيەنتتىڭ بارلىق پروبلەمالارىنىڭ بلوگىن دەنساۋلىق ساقتاۋ ۇيىمىنىڭ قۇزىرەتتىنىڭ شەڭبەرىندە شەشە وتىرىپ, كەشەندى ونكولوگيالىق (مەديتسينالىق, پسيحولوگيالىق, الەۋمەتتىك جانە وزگەلەر) كومەك كورسەتۋ.
88. مدت جۇمىسى مىنا ۇستانىمدارعا نەگىزدەلەدى:
1) ونكولوگيالىق كومەك كورسەتۋدىڭ كەشەندىلىگى;
2) ونكولوگيالىق كومەك كورسەتۋدەگى جەكە ءتاسىل;
3) جوسپارلانعان جانە ىسكە اسىرىلىپ جاتقان دياگنوستيكالىق, ەمدەۋ, وڭالتۋ ءىس-شارالارىن جوسپارلاۋ مەن ىسكە اسىرۋداعى ساباقتاستىق;
4) مدت مۇشەلەرىنىڭ جالپى ماقساتتى, مىندەتتەردى جانە توپتىڭ تاعايىنداۋىن دا وزدەرىنىڭ جەكە قىزمەتتەرىن دە ءتۇسىنۋى;
5) مۋلتيديستسيپلينارلىق توپ ماماندارىنىڭ جۇمىس ناتيجەسىنە دەگەن جەكە جاۋاپكەرشىلىگىن ساقتاۋى.
89. مدت-نىڭ نەگىزگى مىندەتتەرى:
1) دەنساۋلىققا بايلانىستى اۋرۋلار مەن پروبلەمالارعا بايلانىستى حالىقارالىق جىكتەمەگە, 10 قايتا قاراۋ, قاتەرلى ىسىكتەردى دياگنوستيكالاۋ مەن ەمدەۋدىڭ كلينيكالىق حاتتامالارىنا, حالىقارالىق ونكولوگيالىق قوعامداردىڭ (ەSمو, ASCO, NCCN) نۇسقاۋلارىنا سايكەس ونكولوگيالىق ناۋقاستاردى دياگنوستيكالاۋ, ەمدەۋ جانە ديناميكالىق بايقاۋ تاسىلدەرىن القالىق تاڭداۋ;
2) امبۋلاتوريالىق, ستاتسيونارلىق جانە ستاتسيوناردى الماستىراتىن دەڭگەيدە ونكولوگيالىق ناۋقاستاردىەمدەۋمەن قامتۋ, سايكەستىگى, تيىمدىلىگى مونيتورينگى;
3) قى-مەن اۋىراتىن ناۋقاستاردى ديسپانسەرلىك ەسەپكە قويۋ مەن الۋ مونيتورينگى;
4) رەسپۋبليكالىق مەديتسينالىق ۇيىمدارعا جوعارى مامانداندىرىلعان مەديتسينالىق كومەككە جىبەرۋ;
5) ونكولوگيالىق ناۋقاستارعا مەديتسينالىق-الەۋمەتتىك كومەك كورسەتۋ ءۇشىن ايعاقتاردى انىقتاۋ.
90. مدت شەشىمى مىندەتتى سيپاتقا يە جانە ونكولوگيالىق كومەك كورسەتۋدىڭ بارلىق كەزەڭىندە (امبۋلاتوريالىق, ستاتسيوناردى الماستىراتىن, ستاتسيونارلىق) جانە بارلىق دەڭگەيلەردە (اۋداندىق, قالالىق, وبلىستىق, رەسپۋبليكالىق) جۇزەگە اسىرىلۋى مۇمكىن.
91. مدت ونكولوگيالىق ۇيىمداردا ءبىرىنشى باسشىنىڭ بۇيرىعىمەن قۇرىلادى.
92. مدت قۇرامىنا:
ديرەكتوردىڭ ەمدەۋ ءىسى جونىندەگى ورىنباسارى – توراعا
ديسپانسەرلىك بولىمشەنىڭ مەڭگەرۋشىسى – توراعانىڭ ورىنباسارى
راديولوگ دارىگەر
حيميوتەراپەۆت دارىگەر
ونكولوگ دارىگەر (حيرۋرگيالىق بەيىندەگى)
ونكوگينەكولوگ دارىگەر
ماممولوگ دارىگەر
پاتومورفولوگ دارىگەر*
مەديتسينا پسيحولوگى, پسيحولوگ, پسيحوتەراپەۆت دارىگەر
الەۋمەتتىك قىزمەتكەر
انەستەزيولوگ رەانيماتولوگ*
تسيتولوگ دارىگەر*
ساۋلەلىك دياگنوستيكا دارىگەرى, ۋدز دارىگەرى, كت, مرت, رند*
ديسپانسەرلىك بولىمشەنىڭ اعا مەديىرگەرى – حاتشى كىرەدى.
* وسى ماماندار قاجەت بولعان جاعدايدا مدت وتىرىستارىنا شاقىرىلادى.
ونكولوگيالىق ۇيىمنىڭ قۇرامىندا ارنايى مامانداندىرىلعان بولىمشەلەر بار بولعان جاعدايدا مدت ورتالىقتارى كلينيكالىق بولىمشەلەردىڭ ىشىندە قۇرىلۋى مۇمكىن.
93. مدت جۇمىسىنا قاتىسۋ قاجەتتىلىگى بارىسىندا وزگە مەديتسينالىق ۇيىمداردان كونسۋلتانت ماماندار (نەيروحيرۋرگ, فتيزياتر, تامىرلار حيرۋرگى جانە ت.ب.) شاقىرىلۋى مۇمكىن.
94. مدت وتىرىسى كۇن سايىن ونكولوگيالىق ديسپانسەردە وتكىزىلەدى (دەمالىس جانە مەرەكەلىك كۇندەردەن باسقا). وتكىزۋگە ۇسىنىلاتىن ۋاقىت ساعات 14.00.- 15.00.
95. مدت وتىرىسىن وتكىزۋ ءۇشىن مۋلتيمەديالىق, كومپيۋتەرلىك تەحنيكامەن تەحنيكالىق تۇرعىدان جاراقتالعان, پاتسيەنتتەردى تەركسەرىپ-قاراۋ مۇمكىندىگىمەن تەكسەرىپ-قاراۋ ناتيجەلەرىن باقىلايتىن جەكە كابينەت ءبولۋ ۇسىنىلادى.
96. مدت وتىرىسىنا:
1) قاتەرلى ىسىكتىڭ (بۇدان ءارى – قى) ۆەريفيكاتسيالىق دياگنوزىمەن بارلىق القاشقى پاتسيەنتتەر;
2) دياگنوستيكالاۋ قيىنعا تۇسكەن قى-كە كۇدىكتى پاتسيەنتتەر;
3) ونكولوگيالىق اۋرۋلارى اسقىنعان پاتسيەنتتەر;
4) تۋىنداعان اسقىنۋلارمەن, ۇدەرىستىڭ ۇدەۋىنە بايلانىستى قارسى ايعاقتارىمەن, ەمدەلۋدەن باس تارتۋعا بايلانىستى ەمدەۋ ءتاسىلىن وزگەرتۋ قاجەت بولعان پاتسيەنتتەر;
5) اسقىنۋ سەبەبىمەن, ۇدەرىستىڭ ۇدەۋىنە بايلانىستى قارسى ايعاقتارىمەن, ەمدەلۋدەن باس تارتۋعا بايلانىستى مدت-ڭ الدىڭعى وتىرىسىنىڭ نۇسقاۋلارىن ورىنداۋ مۇمكىن بولماعان جاعدايداعى پاتسيەنتتەر;
6) پاتسيەنتتەردى قازورعزي-عا, رەسپۋبليكالىق مەديتسينالىق ورتالىقتارعا, وزگە ونكولوگيالىق ۇيىمدارعا جانە شەتەلدەرگە جىبەرۋ بارىسىندا;
7) تارگەتتىك پرەپاراتتاردى تاعايىنداۋ بارىسىندا جىبەرىلەدى.
97. العاشقى پاتسيەنتتەردى مدت وتىرىسىندا دارىگەر باياندايدى, ەكىنشى رەت پاتسيەنتتەر تۋرالى ەمدەۋشى دارىگەر باياندايدى.
98. مدت مۇشەلەرى امبۋلاتوريالىق كارتانى زەردەلەيدى, قاراۋ جۇرگىزەدى جانە پاتسيەنتكە ەم جۇرگىزۋ ءتاسىلى بويىنشا القالىق شەشىم قابىلدايدى. پىكىرلەر كەلىسپەۋشىلىگى بارىسىندا شەشىم اشىق داۋىس بەرۋ ارقىلى قابىلدانادى.
99. شەشىم مدت وتىرىسىنىڭ جۋرنالىندا, مدت وتىرىسىنىڭ حاتتاماسىندا رەسىمدەلەدى (2 دانا), ولار امبۋلاتوريالىق پاتسيەنتتىڭ كارتاسىنا جانە ستاتسيونارلىق پاتسيەنتتىڭ مەديتسينالىق كارتاسىنا جەلىمدەنەدى (№025/ە نىسان).
100. پاتسيەنتتەر قازاق ونكولوگيا جانە راديولوگيا عزي-نا جولدانعان جاعدايدا كەلىسۋ كەزەڭىندە مدت وتىرىسى حاتتاماسىنىڭ كوشىرمەسى ناقتى پاتسيەنت بويىنشا قابىلدانعان شەشىمىن كورسەتۋ ارقىلى جىبەرىلەدى.
101. قازورعزي مدت ەمدەۋگە جاتقىزۋ ماسەلەسىن قاراۋ بارىسىندا وڭىرلىك مدت شەشىمىن نازارعا الادى.
102. ۇسىنىمداردى ساقتاۋعا باقىلاۋ جاساۋ مدت توراعاسىنا جانە پاتسيەنت جاتقان بولىمشەنىڭ مەڭگەرۋشىسىنە جۇكتەلەدى.»;
وسى بۇيرىق 1 جانە 2 قوسىمشالارعا سايكەس 4 جانە 5-قوسىمشالارمەن تولىقتىرىلسىن.
2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى (ا.ع. تولەعاليەۆا) بەلگىلەگەن زاڭنامالىق تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن
3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ زاڭ قىزمەتى دەپارتامەنتى (د.ە. اسايىنوۆا) بەلگىلەنگەن زاڭنامالىق تارتىپپەن وسى بۇيرىقتى مەملەكەتتىك تىركەلگەن كەيىن ونى رەسمي جاريالاۋدى قامتاماسىز ەتسىن
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا. بايجۇنىسوۆكە جۇكتەلسىن.
5. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى ە. ءبايجۇنىسوۆ.
قازاقستان رەسپۋبليكاسى دەنساۋلىق ساقتاۋ ءمينيسترىنىڭ
2014 جىلعى 10 قاڭتارداعى №16 بۇيرىعىنا 1-قوسىمشا
قازاقستان رەسپۋبليكاسىنىڭ حالقىنا ونكولوگيالىق كومەك كورسەتەتىن ۇيىمدار تۋرالى ەرەجەگە 4- قوسىمشا
تسيتوستاتيكالىق دارىلىك زاتتاردى ورتالىقتاندىرىلعان ەرىتۋ
كابينەتىن ماتەريالدىق-تەحنيكالىق جابدىقتاۋ تىزبەسى
№
جابدىقتار مەن مەديتسينالىق ماقساتتاعى بۇيىمداردىڭ اتاۋى
سانى (دانا/جيىنتىق)
1 پەرسونال ءۇشىن اۋا اعىمىن جىبەرمەيتىن, ىشكى كامەرانىڭ ۋلتراكۇلگىن ساۋلەلەۋىش جۇيەسىمەن جانە قورعانىس ەكرانىمەن لامينارلىق بوكس 1
2 تسيتوستاتيكتەردى دايارلاۋعا ارنالعان ەرىتىندىلەردى ساقتايتىن مەديتسينالىق شكافتار 1
3 تسيتوستاتيكتەردىڭ دايىن ەرىتىندىلەرىمەن ساۋىتتاردى جانە شپريتستەردى گەرمەتيكالىق وراۋ ءۇشىن روتورلىق تەرموجەلىمدەۋ ماشيناسى 1
4 رۋلوندارعا ارنالعان ۇستاعىش 1
5 پايدالانىلعان ساۋىتتاردى, شپريتستەردى جانە وزگە قالدىقتاردى گەرمەتيكالىق وراۋ اسپابى 1
6 ساۋىتتاردا جانە/نەمەسە شپريتستەردەگى ەرىتىلگەن ەرىتىندىلەردى وراۋ ءۇشىن پوليەتيلەن قاپشىقتار, رۋلون 300مم*200 م 1 رۋلونى 1000 ورالعان تسيتوستاتيكالىق پرەپاراتتارعا
7 ۇستىڭگى قاباتتاردى وڭدەۋ ءۇشىن دەزينفەكتسيالاۋ ەرىتىندىلەرىنە ارنالعان ىدىستار (10 ليترلىك) 4
8 قولدى گيگيەنالىق وڭدەۋگە ارنالعان قول جۋعىش پەن سۇيىق سابىندى جانە انتيسەپتيكالىق دوزالاۋ قوندىرعىسى 1
9 تسيتوستاتيكتەردى ساقتاۋعا ارنالعان سەيف 1
10 باكتەريتسيدتى قابىرعا ساۋلەلەگىشى 2
11 حيميوپرەپاراتتاردى تاسىمالداۋعا ارنالعان كونتەينەرلەر 1 حيميوتەراپيا جۇرگىزەتىن ءاربىر
كلينيكالىق بولىمشەگە
12 سۇيىق سابىن مەن دەزينفەكتسيالايتىن قۇرالداردى ۇستاعىشتار 1
13 ءبىر رەتتىك پايدالانىلعان حيميوپرەپاراتتاردى كادەگە جاراتۋ كونتەينەرلەرى. ا, ۆ كلاستارى. ءاربىر كۇنگە ساۋىتتار مەن شپريتستەرگە ارنالعان ءبىر كونتەينەردەن
14 حيميوپرەپاراتتاردى ساقتاۋعا ارنالعان مەديتسينالىق جابىق شكاف 2
15 فارماتسەۆتيكالىق توڭىزىتقىش 1 ءاربىر كابينەتكە
16 گيدرومەتر 1 ءاربىر كابينەتكە
17 قۇجاتتامالاردى ساقتاۋعا ارنالعان شكاف 1
18 كيىم شكافى 2
19 كومپيۋتەر ۇستەلى 1
20 كومپيۋتەر كرەسلوسى 1
21 جازۋ ۇستەلى 1
22 ءبىر رەتتىك قورعانىس كيىمدەرىنىڭ جيىنتىعىن ساقتاۋ شكافى 1
23 بەينەفيكساتسيا كامەراسى 1
24 كومپيۋتەر 1
25 پرينتەر/كسەروكس 1
26 كونديتسيونەر 1
27 دۋش كابيناسى 1
28 ستول 4
29 تۇرمىستىق قالدىقتارعا ارنالعان ىدىس 1
30 تەلەفون 1
31 دابىل ءاربىر كابينەتكە
قازاقستان رەسپۋبليكاسى دەنساۋلىق ساقتاۋ ءمينيسترىنىڭ
2014 جىلعى 10 قاڭتارداعى №16 بۇيرىعىنا 2- قوسىمشا
قازاقستان رەسپۋبليكاسىنىڭ حالقىنا ونكولوگيالىق كومەك
كورسەتەتىن ۇيىمدار تۋرالى ەرەجەگە 5- قوسىمشا
تسيتوستاتيكالىق دارىلىك زاتتاردى ورتالىقتاندىرىلعان ەرىتۋ كابينەتىمەن كلينيكالىق بولىمشەلەردىڭ ءوزارا ءىس-قيمىل الگوريتمى
1. ونكولوگيالىق ۇيىمنىڭ كلينيكالىق بولىمشەسىنىڭ دارىگەرى تسيتوستاتيكالىق دارىلىك زاتتاردى (بۇدان ءارى - تسيتوستاتيكتەردى) ەرىتۋگە ارنالعان ءاربىر پاتسيەنت ءۇشىن ەكى دانا ءوتىنىمدى تولتىرادى.
2. كلينيكالىق بولىمشەنىڭ مەڭگەرۋشىسى تولتىرۋدىڭ دۇرىستىعىن, تسيتوستاتيكتەر دوزاسىنىڭ قاتەرلى ىسىكتەردى دياگنوستيكالاۋ مەن ەمدەۋدىڭ كەزەڭدىك حاتتامالارىنا سايكەس باقىلايدى جانە قولىن قويادى.
3. كلينيكالىق بولىمشەنىڭ دارىگەرى بارلىق وتىنىمدەردى ءوزىنىڭ بولىمشەسىندەگى اعا مەديتسينا مەيىرگەرىنە بەرەدى.
4. كلينيكالىق بولىمشەنىڭ اعا مەديتسينا مەيىرگەرى بولىمشە دارىگەرلەرىنەن بارلىق وتىنىمدەردى جيناپ الادى, كلينيكالىق بولىمشەدەگى تسيتوستاتيكتەردى ەرىتۋگە ارنالعان وتىنىمدەردى تىركەۋ جۋرنالىندا تىركەيدى جانە ولاردى تسيتوستاتيكتەردى ورتالىقتاندىرىلعان ەرىتۋ كابينەتىنە بەرەدى.
5. تسوەك-نىڭ مەديتسينا قىزمەتكەرلەرى «تسوەك تسيتوستاتيكتەرىن ەرىتۋگە ارنالعان وتىنىمدەردى تىركەۋ جۋرنالىندا» تىركەيدى جانە ءاربىر سۇرانىمعا تىركەۋ ءنومىرىن بەرەدى.
6. تسوەك مەديتسينا قىزمەتكەرلەرى تسيتوستاتيكتەردى ۇسىنىلعان وتىنىمدەرگە سايكەس ەرىتەدى جانە ساۋىتتار مەن شپريتستەردى تاڭبالايدى.
7. تسوەك مەديتسينا قىزمەتكەرلەرى ەرىتىلگەن تسيتوستاتيكتەردى زارارسىزداندىرىلعان پاكەتتەرگە ورايدى, تاڭبالايدى جانە سۇرانىمنىڭ ەكىنشى داناسىن بەكىتەدى.
8. كلينيكالىق بولىمشەنىڭ مەديتسينالىق مەيىرگەرى ۇسىنىلعان وتىنىمدەرگە سايكەس ەرىتىلگەن تسيتوستاتيكتەردى الادى جانە ءوزىنىڭ كلينيكالىق بولىمشەسىنە كونتەينەرلەردە تاسىمالدايدى.
9. كلينيكالىق بولىمشەنىڭ ەم-شارالىق مەديتسينا مەيىرگەرى تسيتوستاتيكتەردى ونكولوگيالىق ناۋقاستارعا ەنگىزەر الدىندا پاتسيەنتتىڭ اتى-جونىنە, ساۋىتتاعى نەمەسە شپريتستەگى تاڭبالاۋعا سايكەستىگىن تەكسەرۋگە مىندەتتى.
10. 5,وسى تسيتوستاتيكتەرگە ءتان ەمەس قۇتىداعى نەمەسە شپريتستەگى ەرىتىندىنىڭ تۇنباسى, ەرىتىندى لايلانعان جاعدايدا ەم-شارالىق مەديتسينا مەيىرگەرى بولىمشەنىڭ ەمدەۋ دارىگەرىنە, تسوەك مەڭگەرۋشىسىنە حابارلاۋعا مىندەتتى جانە وسى ساۋىتتى نەمەسە ءشپريتستى جوعارىدا اتالعان سەبەپتەر پايدا بولعان جاعدايدا تسيتوستاتيك ينفۋزياسىن جۇرگىزۋگە تىيىم سالىنادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 13 اقپانداعى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9143 بولىپ ەنگىزىلدى.