دوللاردىڭ تەڭگەگە شاققانداعى باعامى كوتەرىلدى, دەپ حابارلايدى Egemen.kz قازاقستان قور بيرجاسىنىڭ (KASE) مالىمەتتەرىنە سىلتەمە جاساپ.
كۇندىز وتكەن ساۋدا-ساتتىق قورىتىندىسى بويىنشا دوللاردىڭ ورتاشا سارالانعان باعامى 1,15 تەڭگەگە كوتەرىلىپ, 449,14 تەڭگەنى قۇرادى. ايتا كەتەيىك, ۇلتتىق بانكتىڭ 25-27 اقپانداعى ءبىر دوللارعا ارنالعان رەسمي باعامى 447,73 تەڭگەنى قۇرايدى.
Kurs.kz حابارلاعانداي, ءدال قازىر استانانىڭ اقشا ايىرباستاۋ ورىندارىندا امەريكالىق ۆاليۋتا ورتا ەسەپپەن 447,42 تەڭگەدەن ساتىپ الىنىپ, 450,45 تەڭگەدەن ساتىلىپ جاتىر. الماتىنىڭ اقشا ايىرباستاۋ ورىندارىندا دوللاردى ورتاشا ساتىپ الۋ – 446,99 تەڭگە, ساتۋ – 450,70 تەڭگە.