تۇركيادا ءزىلزالا سالدارىنان قيراعان ۇيلەردى سالۋ كەزىندە مەردىگەر بولعان 10 ادام قاماۋعا الىندى. جالپى 163 كۇدىكتى ۇستالعان. بۇل تۋرالى جەرگىلىكتى اقپارات قۇرالدارى حابارلادى, دەپ جازادى Egemen.kz «حابار 24» ارناسىنا سىلتەمە جاساپ.
حاتاي قالاسىنداعى تۇرعىن ءۇي كەشەنىنە جاۋاپتى بولعان ءبىر مەردىگەر انتالياداعى قوناق ۇيدە جاتقان جەرىندە قولعا تۇسكەن. تاعى ءبىر كۇدىكتى ستامبۇل اۋەجايىندا تۇتىلعان. ول ايەلىمەن بىرگە گرۋزياعا قاشپاق بولعان.
سونداي-اق گازيانتەپتە جەرمەن-جەكسەن بولعان ءۇيدى سالعان تاعى ءبىر مەردىگەر تەمىر توردان ءبىر-اق شىقتى. ول تەحنيكالىق اقاۋعا جول بەرگەنى انىقتالدى. تاعى ونداعان ادامعا ىزدەۋ جاريالاندى.