ەڭبەك جانە حالىقتى الەۋمەتتىك قورعاۋ مينيسترلىگى «اتامەكەن» ۇلتتىق كاسىپكەرلەر پالاتاسىمەن بىرلەسىپ, كادرلارعا قاجەتتىلىكتى انىقتاۋ ماقساتىندا جۇمىس بەرۋشىلەردى «ەلەكتروندىق ەڭبەك بيرجاسى» مەملەكەتتىك اقپاراتتىق پورتالىندا ونلاين-ساۋالدامادان وتۋگە شاقىرادى.
دەرەكتەردى جيناۋ 2023 جىلدىڭ قاڭتار-اقپان ايلارىندا جۇرگىزىلەدى. ساۋالداما بارىسىندا رەسپۋبليكانىڭ بارلىق وڭىرلەرىنەن ەكونوميكانىڭ ءتۇرلى سالالارىندا قىزمەت ەتەتىن 45 مىڭعا جۋىق جۇمىس بەرۋشىنى قامتۋ جوسپارلانۋدا.
ساۋالداما مىناداي بلوكتاردان تۇرادى: كادرلارعا قاجەتتىلىكتى تالداۋ; جۇمىسكەرلەردىڭ بوساتىلۋىن باعالاۋ; شەتەلدىك جۇمىس كۇشىن تارتۋ جانە قازاقستاندا دۋالدى وقىتۋ. بۇل ەكونوميكالىق قىزمەت تۇرلەرى مەن كاسىپتەر بويىنشا تولىققاندى جوعارى دەڭگەيدە ەڭبەك نارىعىنىڭ ناقتى قاجەتتىلىگىن انىقتاۋعا مۇمكىندىك بەرەدى.
زەرتتەۋ ناتيجەلەرى بويىنشا كادرلاردى دايارلاۋعا مەملەكەتتىك ءبىلىم بەرۋ تاپسىرىسىن قالىپتاستىرۋ ءۇشىن ۇسىنىمدار مەن ۇسىنىستارى بار تالدامالىق ەسەپ دايىندالادى.
«ەگەمەن-اقپارات»