استانا قالاسىنىڭ مامانداندىرىلعان اۋدانارالىق اكىمشىلىك قۇقىق بۇزۋشىلىقتار جونىندەگى سوتى Porsche كولىگىنىڭ جۇرگىزۋشىسىنە قاتىستى مەملەكەتتىك ءتارتىپتى بۇزۋ فاكتىسى بويىنشا ءىستى قاراپ, ونى 15 تاۋلىككە اكىمشىلىك قاماۋعا الۋ تۋرالى شەشىم شىعاردى. جۇرگىزۋشى قالا ورتالىعىنداعى جاياۋ جۇرگىنشىلەر وتكەلىندە باعدارشامنىڭ تىيىم سالعان (سارى) سيگنالىنا ءمان بەرمەي, 133 كم/ساع جىلدامدىقپەن قوزعالعان, دەپ جازادى Egemen.kz.
سوت ماتەريالدارىنا سايكەس, وقيعا 2 ساۋىردە ساعات 12:47 شاماسىندا ءال-فارابي كوشەسىندە تىركەلگەن. جۇرگىزۋشى ۇلى دالا كوشەسىنەن ف. وڭعارسىنوۆا كوشەسىنە باعىت العان تۇستا جاياۋ جۇرگىنشىلەر وتكەلى ارقىلى ءوتىپ بارا جاتىپ, جول قوزعالىسى ەرەجەلەرىن ورەسكەل بۇزعان.
سوت انىقتاعانداي, جۇرگىزۋشىنىڭ ارەكەتى كوپشىلىككە اشىق تۇردە دەمونستراتيۆتى اگرەسسيۆتى سيپات العان. ول جول قوزعالىسى ەرەجەلەرىن ورەسكەل بۇزىپ قانا قويماي, جاياۋ جۇرگىنشىلەر مەن وزگە دە جول قوزعالىسىنا قاتىسۋشىلاردىڭ ءومىرى مەن دەنساۋلىعىنا ناقتى قاۋىپ توندىرگەن.
سوت وتىرىسىندا ل. ءوز كىناسىن تولىق مويىنداپ, وكىنىش ءبىلدىردى. ول اسىعىس بولعانىن ايتىپ, كولىكتى جوعارى جىلدامدىقپەن باسقارعانىن بىلسە دە, جول بوس دەپ ويلاعانىن ءتۇسىندىردى.
اقتوبەدە 208 جاياۋ جۇرگىنشى جول ەرەجەسىن بۇزعان
ءىس ماتەريالدارىمەن قۇقىق بۇزۋشىلىق تولىق دالەلدەندى. وعان ل.-نىڭ تۇسىنىكتەمەسى, اكىمشىلىك قۇقىق بۇزۋشىلىق حاتتاماسى, ينسپەكتور راپورتى جانە «سەرگەك» جۇيەسىنىڭ بەينەجازباسى نەگىز بولدى.
قولدانىستاعى زاڭناماعا سايكەس, مەملەكەتتىك ءتارتىپتى بۇزعانى ءۇشىن 20 اەك ايىپپۇل نەمەسە 20-60 ساعات قوعامدىق جۇمىس ياكي 5-15 تاۋلىك اكىمشىلىك قاماۋ قاراستىرىلعان.
سوت ۇكىمىمەن ل. بۇزاقىلىق جاساعانى ءۇشىن كىنالى دەپ تانىلىپ, وعان 15 تاۋلىك اكىمشىلىك قاماۋ جازاسى تاعايىندالدى.
تۇركىستاندا پوليتسەيلەر جول ەرەجەسىن بۇزعان 700-دەن استام جۇرگىزۋشىنى انىقتادى
جازا تاعايىنداۋ كەزىندە سوت قۇقىق بۇزۋشىلىقتىڭ سيپاتى مەن قوعامدىق قاۋىپتىلىگىن ەسكەردى. اتاپ ايتقاندا, جۇرگىزۋشىنىڭ قالا ورتالىعىندا, كۇندىزگى ۋاقىتتا, باعدارشامنىڭ تىيىم سالىنعان سيگنالىنا باعىنباي, جوعارى جىلدامدىقپەن ءجۇرۋى جولداعى قاۋىپ-قاتەردى ەداۋىر ارتتىرعانى نازارعا الىندى. سونداي-اق, ل.-نىڭ وسى جىلدىڭ باسىنان بەرى جىلدامدىقتى اسىرۋ بويىنشا 59 رەتتەن استام اكىمشىلىك جاۋاپكەرشىلىككە تارتىلعانى ەسكەرىلدى.
سوت مۇنداي جازا ونىڭ تۇزەلۋىنە جانە قايتالاناتىن قۇقىق بۇزۋشىلىقتاردىڭ الدىن الۋعا ىقپال ەتەدى دەپ ەسەپتەدى.
سوت قاۋلىسى زاڭدى كۇشىنە ەنگەن جوق.
استانالىق پوليتسەيلەر بەينەكامەرا ارقىلى جول ەرەجەسىن بۇزعانداردى انىقتادى