استانا. 4 ماۋسىم. اتىراۋ وبلىسىنىڭ شاعىن جانە ورتا بيزنەس وكىلدەرى ەۋرازيالىق ەكونوميكالىق وداقتان ءتيىمدى كەلىسىم-شارتتار كۇتىپ وتىر. بۇل تۋرالى «24kz» حابارلادى.
2013 جىلى اتىراۋ وبلىسى مەن رەسەي جانە بەلارۋس ەلدەرى اراسىنداعى تاۋار اينالىمى 300 ملن. دوللاردى قۇراعان. الداعى ۋاقىتتا بۇل كورسەتكىش ۇلعايا تۇسەدى دەپ كۇتىلۋدە.
بەلارۋس رەسپۋبليكاسى گومەل وبلىسى گۋبەرناتورىنىڭ ورىنباسارى بولەسلاۆ پيرشتۋك: «كەدەندىك ءتۇرلى كەدەرگىلەردىڭ جويىلۋى, جۇمىس كۇشى مەن ينۆەستيتسيانىڭ ەركىن قوزعالىسقا ءتۇسۋى بيزنەستىڭ دامۋىنا وڭ ىقپال ەتەدى. سوندىقتان ءبىز ەكونوميكالىق قاتىناستاردى جانداندىرا ءتۇسۋىمىز كەرەك. بۇل رەتتە قازاقستاننان ۇيرەنەتىنىمىز كوپ. سەبەبى قازاقستاندا شاعىن جانە ورتا بيزنەسكە مەملەكەت تاراپىنان قامقورلىق كوپ. ءبىز وسى ءۇردىستى وزىمىزدە پايدالانۋدى جوسپارلاپ وتىرمىز», – دەدى.
سول سياقتى, ءىرى كاسىپورىندار دا شەتەلدىك كومپانيالارمەن ىسكەرلىك ارىپتەستىكتىڭ جاڭا كەزەڭىنە شىقپاق.
الداعى ۋاقىتتا وبلىستىڭ شاعىن جانە ورتا بيزنەس وكىلدەر رەسەي مەن بەلارۋس نارىعىنا باتىل قادام باسۋعا ۇمتىلىس بىلدىرۋدە.
بۇگىندە اتىراۋ وبلىسىندا رەسەي مەن بەلارۋس كاپيتالىنىڭ قاتىسۋىمەن 200-دەن استام بىرلەسكەن كاسىپورىن بار.
جولدىباي بازار.
دەرەككوز: «24kz».
فوتو: ortcom.kz.