قىزىلوردا وبلىسىنىڭ سۋ جولدارىندا ءۇش كۇننىڭ ىشىندە ەكى بالا سۋعا كەتىپ قالدى. بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.
وندا مامىر ايىنىڭ اياعىندا 5 جانە 14 جاستاعى ەكى بالا سۋعا كەتكەنى ايتىلادى. ونىڭ ءبىرى قارماقشى اۋدانىندا ورىن السا, ەكىنشىسى جاڭاقورعاندا بولدى. قارماقشى اۋدانىنىڭ اقاي ەلدى مەكەنىندە تۇراتىن ن.قوجاعاليەۆ 24 مامىردا سۋعا شومىلامىن دەپ, قايتادان جاعاعا شىعا الماي قالدى. بۇل كەزدە ساعات كەشكى 21-ءدى كورسەتىپ تۇر ەكەن. ءجاسوسپىرىمنىڭ دەنەسىن توتەنشە جاعدايلار سالاسىنىڭ 4 مامانى سۋ استىنان ىزدەۋگە جۇمىلىپ, ءۇش كۇن وتكەننەن كەيىن جاعاعا الىپ شىقتى.
ءدال وسىعان ۇقساس جاعداي 27 مامىردا جاڭاقورعاندا ورىن الدى. سول كۇنى ساعات كۇندىزگى 11 شاماسىندا 2009 جىلى تۋعان ب.تۇرعانباي سۋعا كەتتى. ماماندار ونىڭ دەنەسىن 6 ساعات وتكەندە تاۋىپ الدى.
مۇرات ايتقوجا.