مەملەكەت باسشىسى نۇرسۇلتان نازارباەۆ دجەيكوب زۋماعا وڭتۇستىك افريكا رەسپۋبليكاسىنىڭ پرەزيدەنتى لاۋازىمىنا قايتا سايلانۋىنا بايلانىستى قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
د.زۋما باسقاراتىن پارتيانىڭ سايلاۋداعى جەڭىسى زاڭدىلىق ەكەنىن اتاپ وتكەن قازاقستان پرەزيدەنتى تاياۋ ۋاقىتتاردا وار الەۋمەتتىك-ەكونوميكالىق دامۋ جولىندا بۇدان دا زور ناتيجەلەرگە جەتىپ, حالىقارالىق ارەنادا ءوز بەدەلىن نىعايتاتىنىنا سەنىم بىلدىرگەن.
«قازاقستان رەسپۋبليكاسى وڭتۇستىك افريكا رەسپۋبليكاسىمەن اراداعى بايلانىستاردى ءارى قاراي تەرەڭدەتۋگە, ەكىجاقتى ساۋدا-ەكونوميكالىق جانە مادەني-گۋمانيتارلىق قاتىناستاردى جاڭا دەڭگەيگە شىعارۋعا مۇددەلى», – دەلىنگەن جەدەلحاتتا.
سوڭىندا نۇرسۇلتان نازارباەۆ د.زۋماعا مىقتى دەنساۋلىق, جاۋاپتى قىزمەتىندە تابىس, ال دوستاس وار حالقىنا باق-بەرەكە تىلەگەن.