قاسىم-جومارت توقاەۆتىڭ توراعالىق ەتۋىمەن سەنات بيۋروسىنىڭ وتىرىسى بولدى. پالاتا توراعاسى سەناتور سەرگەي پلوتنيكوۆتى اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى لاۋازىمىنا سايلانۋىمەن قۇتتىقتادى, دەپ حابارلادى سەناتتىڭ ءباسپاسوز قىزمەتى.
بيۋرو وتىرىسى بارىسىندا 5 ماۋسىمدا بولاتىن پالاتانىڭ كەزەكتى وتىرىسىنىڭ كۇن تارتىبىنە ۇسىنىستار ەنگىزىلدى. سەنات ءبىرىنشى وقىلىمدا اكىمشىلىك قۇقىق بۇزۋشىلىق تۋرالى كودەكس جوباسىن جانە كەيبىر زاڭنامالىق اكتىلەرگە اكىمشىلىك قۇقىق بۇزۋشىلىق تۋرالى زاڭناما ماسەلەلەرى بويىنشا ىلەسپە تۇزەتۋلەر جوباسىن قاراستىرۋدى جوسپارلادى. قىلمىستىق كودەكستىڭ, قىلمىستىق-اتقارۋ كودەكسىنىڭ جوبالارى جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا تالقىلانادى.
سەناتتىڭ كوميتەتتەرى مەن اپپاراتقا ماجىلىستە ماقۇلدانعان 2010 جىلعى 9 جەلتوقسانداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى قازاقستان رەسپۋبليكاسىنا مۇناي جانە مۇناي ونىمدەرىن جەتكىزۋ سالاسىنداعى ساۋدا-ەكونوميكالىق ىنتىماقتاستىق تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسى بەرىلدى. وسى زاڭ جوباسى بويىنشا باس كوميتەت بولىپ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى بەلگىلەندى.
ودان باسقا, بيۋرو قاۋلىسىمەن سەناتتىڭ 2014 جىلعا ارنالعان نەگىزگى ءىس-شارالار جوسپارىنا ءوزگەرىستەر ەنگىزىلدى.