كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ باستاعان ۇكىمەت مۇشەلەرى ورتالىق كوممۋنيكاتسيالار قىزمەتىندە ءباسپاسوز ءماسليحاتىن وتكىزدى. وندا ەلىمىزدىڭ الەۋمەتتىك-ەكونوميكالىق دامۋىنىڭ بىرقاتار ماسەلەلەرى اڭگىمە بولدى.
ۇكىمەت باسشىسىنىڭ ورىنباسارى ۇكىمەت وتىرىسىندا تالقىلانىپ, قارالعان ماسەلەلەر جونىندە ايتتى. وندا ەلىمىزدىڭ الەۋمەتتىك-ەكونوميكالىق دامۋى تاپتىشتەلگەنىن, مەملەكەت باسشىسىنىڭ تاپسىرمالارىن ورىنداۋ اياسىندا الماتىدا وڭىرلىك قارجى ورتالىعىن قۇرۋ جانە ونىڭ جۇمىس ىستەۋىنە قاتىستى ماسەلەلەر زەردەلەنگەنىنە توقتالدى.
سونداي-اق, 2014-2015 جىلدارعا ارنالعان تۇتىنۋشىلاردىڭ قۇقىقتارىن قورعاۋ جۇيەسىن جەتىلدىرۋ بويىنشا كەشەندى جوسپار جوباسى قارالىپ, ماقۇلدانعانىن جاريالادى. ۇكىمەت وتىرىسىندا ءوڭىرلىك دامۋ ءمينيسترى ب.جامىشەۆ جەر زاڭناماسىن جەتىلدىرۋ بويىنشا شارالار تۋرالى, ال اۋىل شارۋاشىلىعى ءمينيسترى ا.مامىتبەكوۆ ۆەتەرينارلىق قاۋىپسىزدىكتى قامتاماسىز ەتۋ تۋرالى بايانداما جاساعان.
قورشاعان ورتا جانە سۋ رەسۋرستارى ءمينيسترى ن.قاپپاروۆ سۋ رەسۋرستارىن باسقارۋ بويىنشا مەملەكەتتىك باعدارلامانى جۇزەگە اسىرۋ جونىندەگى ءىس-شارالار جوسپارىنىڭ ءبىرىنشى كەزەكتەگى شارالارى تۋرالى اڭگىمەلەگەن. وعان زەر سالساق, جوسپاردىڭ بەس ماقساتتى ينديكاتورى بار ەكەن. بۇل – سۋدى ۇنەمدەۋ, سۋ رەسۋرستارىن ارتتىرۋ, اۋىز سۋمەن جابدىقتاۋ, سۋ بۇرۋ جانە ەكوجۇيەنى ساقتاۋ. ناقتى ايتقاندا, جوسپار سۋ تۇتىنۋدى ءىجو دەڭگەيى بويىنشا 14 پايىزعا ازايتۋدى, سۋ جيناۋعا ارنايى شارالار قولدانۋدى, اسىرەسە ترانسشەكارالىق وزەندەرگە تاۋەلدىلىكتى تومەندەتۋدى قاراستىراتىن كورىنەدى. مۇنىمەن بىرگە, رەسپۋبليكالىق جانە كوممۋنالدىق مەنشىكتەگى ماگيسترالدىك جانە ۇلەستىرۋشى سۋ ارنالارىن كۇردەلى جوندەۋدەن وتكىزىپ, قالپىنا كەلتىرۋ جوسپارلانعان. سونداي-اق, ەلىمىزدە جاڭادان 29 سۋ قويمالارىن سالۋ قاراستىرىلىپ جاتىر ەكەن.
ۇكىمەت وتىرىسىندا تابيعي مونوپوليالاردى رەتتەۋ اگەنتتىگىنىڭ توراعاسى م.وسپانوۆ تاريفتىك ساياساتتى جەتىلدىرۋ بويىنشا تاسىلدەردى بايانداپ بەرگەن. ال ەڭبەك جانە حالىقتى الەۋمەتتىك قورعاۋ مينيسترى ت.دۇيسەنوۆا «جۇمىسپەن قامتۋدىڭ جول كارتاسى-2020» باعدارلاماسىن تاعى ءبىر پىسىقتاۋ ءۇشىن ورتاعا سالعان.
ءباسپاسوز ءماسليحاتىندا ءسوز العان تۇتىنۋشىلاردىڭ قۇقىعىن قورعاۋ اگەنتتىگىنىڭ ءتوراعاسى ب.قۋاندىقوۆ قازاقستاندا بۇگىنگى كۇنى زەرتحانادا ءجۇرگىزىلگەن جۇمىستاردىڭ ءناتيجەسىندە قىزىلشا اۋرۋىن جۇقتىرۋدىڭ 140 فاكتىسى انىقتالعانىن جايىپ سالدى. «بيىلعى جىلدىڭ باسىنان بەرى زەرتحانادا دالەلدەنگەن قىزىلشا جۇقتىرۋدىڭ 140 فاكتىسى انىقتالدى. قازىرگى ۋاقىتتا اگەنتتىك ءتيىستى جۇمىستى قولعا العان. ءبىز اۋرۋدىڭ نەگىزگى سەبەپتەرىن سارالادىق, كەي كەزدە ۆاكتسينا جۇرگىزىلمەگەندىكتەن, وسىنداي جاعدايعا دۋشار بولدىق. سوندىقتان قازىرگى ۋاقىتتا باستى مىندەت ەگىلەتىن توپتاردى تولىق قامتۋ بولىپ وتىر. نەگىزىنەن, ولار 29 جاسقا دەيىنگى جاستار», دەدى توراعا. بۇگىندە اگەنتتىك اۋماقتىق قۇرىلىمدارعا ءتيىستى تاپسىرما بەرىپ, بۇل جۇمىستى جەرگىلىكتى اكىمدىكتەرمەن ءبىرلەسىپ اتقارۋدى قولعا الىپتى. بۇيىرتسا, تاياۋ ارادا اۋرۋدىڭ سالدارىن جويۋ ءۇشىن بارلىق قاجەتتى ءىس-شارالار باستالعالى تۇر ەكەن.
وڭىرلىك دامۋ ءمينيسترى ۇكىمەت وتىرىسىندا جەردi تيiمدi پايدالانۋ ەرەجەلەرiنە نورماتيۆتiك قۇجات مارتەبەسiن بەرۋدى ۇسىنعانىن ايتتى. «اۋىلشارۋاشىلىق ماڭىزى بار جەرلەردi ينۆەنتاريزاتسيالاۋ جۇرگiزiلiپ جاتقان ءۇش جىلدا قانداي جەر تەلىمدەرى ماقساتتى تۇردە, قايسىسى تيiمسiز قولدانىلىپ جاتقانىن انىقتاۋ بويىنشا بiرقاتار ماسەلەلەر تۋىندادى. وسىعان وراي زاڭنامالىق تۇرعىدا بiرقاتار وزگەرiستەردi ەنگiزۋ ۇسىنىلىپ وتىر. ولار بۇل تۇسiنiكتەردi ناقتىلاپ, قولدانىلماي جاتقان جەر تەلىمدەرiن انىقتاۋدىڭ ءتيىمدى تەتiكتەرiن ايقىنداپ بەرەتىن بولادى. جەردi تيiمدi پايدالانۋ ەرەجەلەرiنە نورماتيۆتiك قۇجات مارتەبەسiن بەرۋدى وسى ماقساتتا ۇسىنىپ وتىرمىز», دەدi جامiشەۆ. بۇل ۇسىنىستى ولار اۋىل شارۋاشىلىعى مينيسترلىگىمەن بىرگە ازىرلەپتى.
نۇرباي ەلمۇراتوۆ,
«ەگەمەن قازاقستان».