2014 جىلعى 9 ماۋسىمنان باستاپ «استانا – بۋراباي كۋرورتى» باعىتىنداعى №805/806 «وقجەتپەس» پويىزى كۇندەلىكتى قاتىناۋعا اۋىسادى. «وقجەتپەس» پويىزى استانادان 18 ساعات 55 مينۋتتا اتتانىپ, بۋرابايعا 21 ساعات 46 مينۋتتا كەلەدى, ءوز كەزەگىندە بۋرابايدان 22 ساعات 40 مينۋتتا شىعىپ, استاناعا 01 ساعات 37 مينۋتتا كەلەدى. ەلەكتر پويىزى جولدا ەشبىر ستانساعا توقتامايدى.
قۇرامدا 3 ءبىرىنشى ساناتتى, 3 ەكىنشى ساناتتى, 2 ءۇشىنشى ساناتتى ۆاگوندار بار.
جاڭا قۇرامدا جولاۋشىلارعا بارلىق جاعدايلار جاسالعان. وندا جۇمساق ەرگونوميكالىق ورىندىقتار, جىلىتۋ جانە سالقىنداتۋدى بولەك باسقاراتىن اۋا باپتاۋ جۇيەسى, ۆاگونارالىق گەرمەتيكالىق وتپەلەر, سالوندار مەن تامبۋرلاردى بەينەباقىلاۋ جۇيەلەرى, Wi-Fi, قازاق جانە ورىس تىلدەرىندەگى ساپار تۋرالى اقپارات بەرەتىن «جۇگىرتپە جول» تاقتاسى بار, دەپ حابارلادى «جولاۋشىلار تاسىمالى» اق ءباسپاسوز قىزمەتى.